novogodisni-obicai-od-svetot_image
Споделете со пријателите!

Ако за Нова година се најдете во Данска, не плашете се ако на први јануари имате искршени чинии пред вратата
Новогодишните обичаи се создадени врз основа на верувања и нивната цел е да донесат среќа и добросостојба во новата година. Секој народ и секоја земја има различни обичаи и верувања. Сите тие се специфично и длабоко поврзани со верувањата, културата, суеверијата и начинот на живот на одреден народ, па затоа се интересни.

Дури ни Нова година не започнува во исто време во сите земји. Ако ние славиме на први јануари, Кинезите ќе ја дочекаат новата година на крајот од јануари, додека еврејската нова година е помеѓу 6-ти септември и 5-ти октомври, според грегоријанскиот календар. Еве неколку стари обичаи од различни земји:

Германците уште од среден век имаат обичај со бучава да ја дочекаат новата година, за да ги истераат лошите духови. Денес, тие ги прават најголемите огномети во светот коишто прават голема бучава.

Кинезите, пред Нова година, ги украсуваат вратите со нешто црвено, бидејќи веруваат дека таа е бојата на среќа и добросостојба. Исто така, 24 часа пред доаѓањето на Новата година ги кријат сите ножеви во куќата, бидејќи ако некој од семејството се исече тоа значи дека семејната среќа ќе биде избркана, пресечена во новата година.

Данците собираат стари чинии секоја година и точно на полноќ ги кршат чиниите пред вратите на своите пријатели, за да се избрка злото. Колку повеќе скршени чинии пред врата, толку повеќе пријатели.

Британците гледаат кој прв ќе им дојде во домот во новата година. Пожелно е да влезе маж со подароци, а не жена.

Прочитајте:  Причини за појава на чувство на умор?

Јапонците се смеат. Ѕвоната на будистичките храмови ѕвонат 108 пати, за да се избркаат 108 човечки слабости, а потоа сите се смеат со цел да ги избркаат лошите духови.

Колумбијците прават голема машка кукла којашто ја претставува старата година и ја полнат со предмети што им будат лоши спомени од годината. На полноќ, ја палат куклата.

Мексиканците својата среќа во новата година ја обезбедуваат со тоа што носат долен веш во боја. Оние коишто сакаат да пронајдат љубов носат црвено, оние коишто сакаат да се среќни, носат жолто.


Споделете со пријателите!