Научниците викаат дека луѓето кои се шегуваат иронично на своја сметка имаат добро ментално здравје
Ако сте човек кој е склон кон самоиронија, тогаш бидете сигурни дека сте во добро ментално здравје. Таквиот заклучок е постигнат од страна на шпански научници кои го опишале во нивната студија. Обично, луѓето го чувствуваат за несигурен во себе оној кој се шегува на сопствена сметка. Но истражувањето направено од експертите од Центарот за истражување на мозокот и однесувањето на Универзитетот во Гранада покажува дека учесниците кои ја демонстрираат оваа особина, имаат повисоки нивоа на самодоверба и се по среќни.
Истражувачите одлучиле да истражуваат луѓе со чувство за различни видови на хумор за да утврдат дали духовитоста и нивната смисла за хумор им помага да се справат со лутината. За таа цел тие набљудувале 1068 учесници кои биле на возраст меѓу 18 и 65 година. Специјалистите го анализирале нивниот начин на шегување, при што користеле шпанска верзија на прашалник за хумор, создаден во 2003 година од Патриша Дорис и Род Мартин. За разлика од првичните очекувања дека авто иронията е показател за потценувачки однос кон сопствената личност, се покажало дека таа е знак за високи резултати во однос на психолошката состојба и среќата и во помал степен во комуникативноста. Наодите на научниците илустрираат како другите форми на хумор се корисни во различни аспекти и ситуации. Кога се зборува за раскажувањето на шеги, веднаш добиваме асоцијација дека тоа се забавни луѓе, и тие преку ова ги зајакнуват општествените односи. Склоноста кон авто-иронија ви овозможува да ги надминете непријатните ситуации и да ги пронајдете смешните и светли зраци во секоја околност. Тука треба да се напомене покрај предностите на користење иронични шеги на своја сметка треба да сме свесни дека овој тип на самошегивање со иронија може да е показател за постоење на потиснат гнев.
