Денешниот ден целосно посветете го на најблиските
Семејството е основа за здраво општество и меѓусебните врски во него треба да се негуваат постојано, бидејќи тој однос нè одредува какви сме, најпрвин како индивидуи а понатаму како општество. Светскиот ден на семејството се одржува секоја година на 15 мај и овозможува да се промовира свесноста за проблеми поврзани со семејствата и да се зголеми познавањето на социјалните, економските и демографските процеси кои што ги засегаат семејствата.
На овој ден, низ целиот свет се организираат многу активности вклучувајќи работилници и конференции, покриеност на сите медиуми со културни програми обработувајќи релеванти теми. Темата за оваа година е: „Семејства, здрав живот и одржлива иднина“. Семејствата остануваат во центарот на социјалниот живот грижејќи се за добросостојбата на нивните членови, едукација и социјализација на децата и младите, како и подеднаква грижа за младите и старите.
Во Македонија, и годинава, денот ќе се одбележи во Градски парк Скопје, со почеток од 10 часот, каде што ќе бидат поставени голем број на штандови и ќе се одржат активности со хуманитарен карактер.
Политиките базирани на семејството и семејните вредности можат да придонесат кон остварување на целите на „2030 Агенда за Одржлив развој“, поврзани со намалување на сиромаштијата и гладот, овозможување здраво живеење и промовирање здрав животен стил за сите возрасти, создавајќи можности за образование и подобрување на родовата еднаквост. Одбележувањето на овој ден датира од 1993 година кога Генералното собрание на Обединетите нации го прогласи 15 мај за Меѓународен ден на семејството.
