lekuvanje-so-kristali_image
Споделете со пријателите!

Научниците срушија едно од фундаменталните верувања на New Age движењето
Се верува дека кристалите можат да го ослободат пациентот од стрес, да ја поттикнат креативноста, да исцелат болести, да го зголемат нивото на свест и да ја зголемат физичката сила.  Научна студија докажа дека физичките и духовните сензации што ги доживуваат оние што веруваат во кристали, како што се пецкањето, топлината и чувството на благосостојба, доаѓаат не од кристалите, туку од моќта на сугестијата.

Кога испитаниците биле третирани со евтини и лажни кристали, тие биле сведоци на истите мистериозни доживувања, како во случајот со вистинските кристали.

Д-р Кристофер Френч – Christopher French психолог од колеџот „Голдсмит“ во Лондон, врз 80 волонтери ги испитуваше ефектите што ги имаат кристалите. На половина од испитаниците им бил даден оргинален кристал, додека на другата половина им бил даден лажен кристал за кој сметале дека е вистински. Кристалите им биле оставени неколку минути заедно со упатство во кое им биле објаснети десетте најчести доживувања што можат да ги искусат.

lekuvanje-so-kristali_image2Помеѓу симптомите на дејството на кристалите најчести се: пецкање, зголемено внимание, балансирани емоции, зголемување на температурата на дланките, зголемено ниво на енергија, подобрено чувство на благосостојба, релаксирање на челото, стимулација на мозокот, зголемен рефлекс за голтање и активација на сите нивоа на свесност. Само шест од 80-те волонтери не успеале да искусат ниту едно од овие доживувања. Најчестите забележани сензации биле стоплени раце и зголемена концентрација, објаснува д-р Френч на конференцијата на British Psychological Society во Глазгов. Но, д-р Френч откри дека не постои разлика во сензациите почувствувани од испитаниците кои држеле вистински кристал и оние кои држеле лажен.

„Верувањето дека скапоцените и полускапоцените камења влијаат на „енергетските полиња“, е клучен дел од модерната индустрија“

„Фактот дека истите ефекти се потврдени кај вистинските и лажните кристали, ги поништува сите тврдења дека кристалите ја имаат мистериозната моќ за којашто се тврдеше дека ја имаат“ – заклучува тој. Од една страна верувањето дека скапоцените и полускапоцените камења содржат суптилна енергија и влијаат на „енергетските полиња“ (чакри) во човекот е клучен дел од модерната индустрија. Сепак, од друга страна ова докажува колку е моќна човечката потсвест.

Прочитајте:  Што ја убива мотивацијата?

„Моќта на сугестијата, без разлика дали е експлицитна или имплицитна, се чини дека е толку мистериозната сила која може да убеди многумина дека кристалите имаат потенцијал да чинат чуда. Презентираните податоци се во согласност со идејата дека оние кои веруваат во паранормалното се повеќе подложни на оваа сила“ – истакнува д-р Френч.

Д-р Ричард Вајзмен – Richard Wiseman психолог од Универзитетот од Хердфордшајар во Хетфилд – University of Hertfordshire in Hatfield кој воедно е истражувач на паранормалните тврдења рече: „Сметаме дека моќта на кристалите е во умот, наместо во кристалите. Јасно е дека постои ефект, но луѓето плаќаат стотици фунти за кристали, кога може да плаќаат многу многу помалку“.


Споделете со пријателите!