nivoto-na-kortizol-vo-detskata-kosa-moze-da-ja-predvidi-idninata_image
Споделете со пријателите!

Научниците открија дека колку е поголем бројот од трауматските доживувања коишто децата ги искусиле, толку се повисоки концентрациите на кортизол во косата
Примероците од детската коса можат да го одредат ризикот од појава на ментална или хронична болест подоцна во животот, откри едно истражување, предводено од Универзитетот во Мелбурн . Научниците го оцениле нивото на кортизол во косата кај 70 деца на деветгодишна возраст од основните училишта низ Викторија. Кортизолот е познат како „хормонот на стресот“ бидејќи во телото се ослободува како одговор на акутен стрес за да му помогне на телото.

Децата не знаат да лажат, но и детската коса исто така.

Колку бил поголем бројот на трауматски настани во текот на нивното детство, како што се: развод, повреда, преселба, тешка болест или смрт на член од семејството, толку повисоки биле концентрациите на кортизол во нивната коса. Ова значи дека кортизолот во косата може да биде индикатор за изложеност на траума кај децата и воедно претставува можност да се идентификуваат децата кои се изложени на ризик од развој на психолошки и проблеми во однесувањето.

„Не сите деца со зголемено ниво на кортизол ќе развијат проблеми во однесувањето. Многу други фактори се исто така клучни

На овој начин може да се одредат децата кои имаат потреба од медицинска и психолошка поддршка, вели предводникот на студијата и соработник за детско и адолесцентно ментално здравје при Универзитетот во Мелбурн, д-р Џулиан Симонс – Julian Simmons. „Детството е најважен и чувствителен период од развојот и кога работите тргнуваат на лошо, може да се појават доживотни последици, не само врз менталното, туку исто така врз целокупното здравје“ – објаснува д-р Симонс.

„Она што помалку се знае, е дека покрај менталното здравје, исто така може да се поврзе со развој на други болести како дијабетес, дебелина и проблеми со холестеролот, бидејќи кортизолот исто така е одговорен за достапноста на гликоза, крвниот притисок и имунолошките функции, па идентификувањето на овие деца е важно“ – додава тој.

Прочитајте:  Доењето може да му пренесе лекови на бебето

Нивото на кортизол може да се одреди и на други начини. Меѓутоа тестовите за плунка не ја отсликуваат реалноста, а за тестирање на крвта неопходно е боцкање. Покрај тоа што тестовите за плунка за децата може да бидат непријатни, а тестовите на крвта страшни, нивото на кортизол варира во текот на денот, па затоа ваквите тестови не се секогаш точни и само ја отсликуваат моменталната состојба. Тестирањето на косата кажува многу нови нешта.

„Примероците од коса не само што се лесни да се добијат, туку тие ја прикажуваат сликата на кортизолот во целиот систем во текот на изминатите месеци“, истакнува д-р Симонс.

Ова истражување е дел од студијата „Од детство до адолесценција“, на детскиот Институт за истражувања „Мардок“ – Murdoch Childrens Research Institute и е објавено во списанието „Psychoneuroendocrinology“. Д-р Симонс исто така дообјаснува дека не сите деца со зголемено ниво на кортизол, во своето тело ќе развијат проблеми во однесувањето или пак, ментална болест. Многу други фактори се исто така клучни, како што се социјалните, генетските фактори, но и животната средина во која се развива детето. Секоја поголема забележана промена во косата треба да биде предзнак за идни испитувања на детскиот ендокрин систем. „Ние се надеваме дека ова истражување може да биде искористено како алатка за идентификување на децата изложени на ризик“ – заклучува д-р Симонс.


Споделете со пријателите!