beganje-od-obvrskite-kako-odlicna-cardio-vezba_image1
Споделете со пријателите!

Хороскоп за 14та недела: Дознајте какво ќе биде вашето здравје наредната недела, за да знаете што точно да игнорирате и да продолжите со старите навики надевајќи се на најдоброто.

Овен

Избегнување на обврските и игнорирање на советите од блиските, ќе бидат вашите главни активности периодов. Кондицијата дополнително ќе ја зголемите со неколку кардио вежби, како скокање во погрешни заклучоци и истрчување во субјективни претпоставки. 

 

Бик

Совет за оваа недела: Избегнувајте напорни луѓе. Всушност, овој совет е безвременски. Е сега, како да избегате од себе, тоа не би знаеле. Тешко е да се биде во ваш хороскопски знак, бидејќи кога сакаат да ви се обратат нежно, тогаш сте теле, а кога ве обвинуваат, тогаш сте вол. 

 

Близнаци

Вашето мото: она што може да се остави за утре, сигурно може да почека и до задутре, ќе го применувате и оваа недела. Сите што не ве познаваат добро, ќе мислат дека сте многу одговорни бидејќи по неколку пати ги проверувате истите работи. А не знаат дека сте толку несериозни, што постојано заборавате нешто, па затоа проверувате.  

 

Рак

Не сте вие виновни за лошото расположение, бидејќи се будите среќни секое утро, но веднаш штом ќе излезете надвор од домот, поттикнати од околината, развивате цел спектар од различни расположенија, најчесто нагли и негативни.

 

Лав

Ќе им наредувате на сите како да сте кралеви и кралици. Смирете се, лавови сте само во хороскоп, додека во реалноста сте напорни и нарцисоидни. Флексибилноста не ви е силна страна, па затоа оваа недела, за вас, ќе биде како и секоја друга. Недела во која вие ќе доминирате над другите.

 

Девица

Вие сте единствениот одговорен знак, и затоа нема да имате причина да бегате и да се криете од обврски. Од друга страна пак, вашата непоправлива опсесивност нема да ве остави пасивни, па затоа вашите мисли нема да престанат да трчаат.

 

Вага

Носење погрешни одлуки е вашата омилена активност која веќе преминува во карактерна одлика. Многу ќе сакате да делите совети на други, и тоа истите оние што не ги применувате врз себе. Запомнете дека степенот на тоа колку некој е губитник, се одредува според бројот на дадени совети.

 

Шкорпија

Неделава ќе бидете особено чувствителни, што не е карактеристично за вас. Не грижете се, луѓето ве нарекуваат шкорпија, бидејќи тоа сте во хороскоп, а не дека сте лоши. Исто така, ако ве нарече некој шкорпија тоа значи дека сте добиле комплимент, бидејќи мисли дека сте брзоноги и неуништливи.

 

Стрелец

Ваша активност оваа недела ќе биде будење од зимски сон на луѓето околу вас. Туѓата негативност ќе ви даде малку бавен старт, но сепак до крајот на неделата слободно ќе трчате благодарение на вашиот незапирлив ентузијазам.

 

Јарец

Вие сте од оние луѓе што одлучуваат да не се нервираат за инает. Чудни и контрадикторни, вашите начини секогаш успеваат. И оваа недела повеќе ќе ве избегнуваат, отколку што ќе сакаат да се дружат со вас.

 

Водолија

Неделава ќе ве боли уво, и тоа за сè што се случува околу вас. За сметка на увото, устата ќе ви биде во одлична кондиција, бидејќи цела недела ќе водите маратонски дискусии за најневажни теми.

 

Риби

Спротивно на вашата природна средина, водата, неделава ќе имате чувство на лебдење во облаци. Не, не поради љубов и возвишени чувства, туку поради значително нискиот крвен притисок. Совет: намалете со јадење лук. 

Прочитајте:  Виз Ер Скопски маратон

Споделете со пријателите!