vrskata-pomegu-stresot-i-rakot
Споделете со пријателите!

Редукцијата на стресот и негата на организмот со есенцијални масни киселини се од клучно значење за одржување на добар имунитет, а со тоа и превенција на туморите и ред други хронични психофизички состојби и заболувања
Единствен период од деноноќието кога сме ослободени од стресот и од презафатеноста со обврски е кога спиеме, кога нашето тело се одмора и регенерира. Во денешниот модерен свет навистина е тешко стресот потполно да се избегне, а динамичното темпо влијае не само на возрасните, туку и врз децата создавајќи подлога за редица сериозни психофизички нарушувања и хронични болести. Една од болестите предизвикани од стресното секојдневие и нападите на паника, во комбинација со заморот, лоша и нездрава исхрана и несоодветна физичка активност е ракот. Многумина сметаат дека ракот е генетска болест и уверени се дека доколку во нивното семејно стебло никој не боледувал од рак, не постои можноста и кај нив да се развие канцерот. Сепак, реалноста го потврдува спротивното. Покрај редица други фактори, како пушењето цигари, преголемата изложеност на сонце, радијацијата и сл., стресниот начин на живеење е причина број еден за појава на бенигните и малигните тумори.

Поврзаноста помеѓу стресот и ракот е комплексна

„Научниците откриле дека мажите изложени на голем стрес и кои немаат среќни љубовни врски биле под тројно поголем ризик од развивање на рак на простата“

Истражувањата потврдуваат дека хроничниот и долготраен стрес, како и хроничниот умор драматично го ослабнуваат имуниот систем поради хормоналниот дисбаланс. Над 293 независни истражувања почнувајќи од 1960 година потврдуваат дека стресот го ослабнува имунитетот. Кога сме под стрес нашето тело го произведува хормонот кортизол во огромни количини. Овој хормон го контролира вродениот примитивен борбен инстинкт кај човекот. Во минатото, кога сè уште не сме биле цивилизирани овој хормон ни бил потребен за да бидеме безбедни и заштитени. Но, бидејќи повеќе не мораме да ловиме и да бегаме од силните и брзи предатори, овој хормон повеќе не му е потребен на нашиот организам во толкави количини како некогаш. Па, кога го имаме во прекумерни количества во нашите вени, предизвикува сериозни оштетувања на целиот систем. Стресот го поттикнува и зголемува производството и на ред други хормони меѓу кои е и катехоламинот, кој исто така, во големи количества го оштетува имунитетот.

Истражувањето на Американската психолошка асоцијација откри дека постои поврзаност помеѓу стресот, развојот на туморите и специфичниот тип на лимфоцити, кои претставуваат природни убијци на белите крвни клетки – Natural Killer Cells – NK Cells. Овие клетки ги превенираат метастазите и ги уништуваат малите метастази, а стресот ја потиснува нивната активност.

Прочитајте:  Нашата исхрана влијае на здравјето на нашето потомство

Емоционалниот живот има директно влијание врз појавата на рак

Научниците од Универзитетот во Њу Јорк во Стони Брук откриле дека мажите изложени на голем стрес и кои немаат среќни љубовни врски биле под тројно поголем ризик од развивање на рак на простата.

Два едноставни чекори за превенција на ракот

Редуцирањето на стресот е првиот чекор. Иако звучи невозможно, сепак постојат бројни техники за намалување или ублажување на последиците предизвикани од стресот. Една таква техника е медитацијата. Дури и кратките секојдневни прошетки помагаат во намалување на крвниот притисок, влијаат врз подобрување на расположението и елиминирање на анксиозноста. Секојдневно рекреирајте се или практикувајте хоби кое ќе ве прави среќни и исполнети, спортувајте, трчајте, планинарете…

Негата на организмот со есенцијални масни киселини е вториот чекор за превенција на канцерот.

Мастите ги активираат центрите за задоволство во мозокот и создаваат наплив на еден од хормоните за среќа допамин. Доказ дека мрсната храна може да ги намали штетните последици од стресот, да нè одржи во добро здравје и да го оттргне ризикот од појава на канцер се жителите на Китава во Папау, Нова Гвинеја. Истражувањата врз ова население од 23 илјади луѓе, спроведени во 80-тите и 90-тите години познати како истражувања „Малиновски“, покажаа дека таму немало ниту еден пример на хронична болест, како: рак, срцеви болести, дебелина, висок крвен притисок, деменција или дијабетес. Нивната исхрана се состоела од 30-60% масти.

Есенцијалните масни киселини претставуваат полинезаситени масти, како Омега-3, Омега-6 и Омега-9.  Тие произведуваат здрави клеточни мембрани. Го нормализираат растот и развојот на клетките. Го регулираат нивото на холестерол и помагаат за правилно коагулирање на крвта. Го регулираат крвниот притисок и ги релаксираат артериските ѕидови. Ја балансираат хормонската активност, метаболитичките процеси и функцијата на тироидната жлезда. Полезно влијаат врз репродуктивното здравје. Ги одржуваат црниот дроб и бубрезите во добра состојба. Штитат од воспалителни состојби. Ја подобруваат функцијата на мозокот и централниот нервен систем. Помагаат во балансирањето на расположението и нарушувањата во однесувањето. Исто така, ја разубавуваат и одржуваат косата и кожата во добро здравје.

Човечкото тело не ги произведува овие масти, а сепак му се потребни за правилно функционирање. Поради тоа тие мора да бидат внесувани преку храната богата со нив или пак, со помош на соодветни суплементи.  Не значи дека треба да се здебелите, треба само да внимавате есенцијалните масти секојдневно да бидат застапени во вашата исхрана во препорачани количини.


Споделете со пријателите!