nesonicata-go-vloshuva-kvalitetot-na-zhivotot_image
Споделете со пријателите!

Постојат два типа на несоница кои го карактеризираат нарушувањето или одржувањето на сонот, примарна и секундарна несоница
Несоницата е нарушување на заспивањето и/или одржување на спиењето. Ваквите состојби треба да се третираат со оглед на фактот дека спиењето е физиолошка потреба и услов за квалитетен живот. Луѓето со несоница имаат еден или повеќе од следниве симптоми: потешкотии при заспивање, често будење во текот на ноќта, будење премногу рано наутро, чувство на замор по будењето, а исто така можат да ги имат следните симптоми: поспаност во текот на денот, општ замор, преосетливост, проблем со концентрацијата и меморијата.

„Постојат два типа на несоница: примарна и секундарна несоница.“

Постојат два типа на несоница: примарна и секундарна несоница. Кај примарната несоница лицето има проблеми со спиењето кои не се директно поврзани со било која друга здравствена состојба или проблем. Додека секундарна несоница значи дека лицето има проблеми со спиењето поради некој друг здравствен проблем, како астма, депресија, артритис, рак, болка, последица на лекови, или алкохол.

Третман на несоница вклучува промена во стилот на живеење, како и промена на навиките на спиење. Се препорачуваат и препарати на природна база. Една од тие природни компоненти која често се користи е мелатонинот. Што всушност претставува мелатонинот­­­? Мелатонин е хормон кој природно се лачи во организмот и е одговорен за регулирање на ноќни и дневни циклуси или циклусите на спиење. Темнината предизвикува организмот да произведува повеќе мелатонин, со што му сигнализира да се подготви за спиење. Светлината го намалува производството на мелатонин и го подготвува телото за будење.

Прочитајте:  Третманот на депресија кај деца и адолесценти покажува висок степен на успешност

Некои луѓе кои имаат проблеми со спиењето имаат ниско ниво на мелатонин. Истражувањата покажуваат дека мелатонинот го подобрува квалитетот на спиење и го намалува бројот на будења во текот на ноќта. Мелатонин кој се користи како лек обично се синтетизира во лабораторија. Најчесто е достапен во форма на капсули или таблети, но мелатонин исто така е достапен во форми кои можат да се постават во усната празнина или под јазикот. Ова овозможува побрза апсорпција и со тоа побрзо дејство.

Постојат и други билни екстракти кои помагаат при несоница, на пример: корен од валеријана, маточина и др. Овие билки во комбинација со мелатонин помагаат при несоница, имаат смирувачко дејство, и го подобруваат расположението.
 

Д-р спец. Ненси Манушева, ЈЗУ Универзитетска Клиника за Психијатрија

PharmaS_Dormirin_Forte_main_700x90


Споделете со пријателите!