nedostig-na-son-prichini-i-soveti-kako-da-se-izbegne_image
Споделете со пријателите!

Спиете ли доволно? Или цела ноќ се превртувате и ви недостига сон? Од која и да е причина несоницата, таа многу му штети на човечкиот мозок.
Спиењето е потребно за да го „исчисти“ мозокот, односно да ги отстрани непотребните сеќавања и да се создаде место за случувањата од наредниот ден. Но, недоволното спиење не дозволува ова да се случи.

Некои нарушувања на сонот се доволно сериозни и го попречуваат нормалното физичко, емоционално и ментално функционирање.

Највообичаените нарушувања на сонот се:

  • Примарна несоница: Хронична потешкотија при заспивањето и/или одржувањето на сонот и притоа нема никаква друга причина за овие симптоми.
  • Синдром на хипопнеја: Абнормално слабо дишење во текот на спиењето.
  • Нарколепсија: Претерано дневно спиење (EDS) често кулминира со спонтано заспивање, но несакано/ненамерно и во несоодветно време.
  • Синдром на немирни нозе (RLS): Незадржлив нагон да се мрдаат нозете. Лицата кои го имаат ова нарушување често страдаат и од синдром на периодично движење на екстремитетите.
  • Нарушувања на ритамот на спиење во одредени ситуации: при промена на работно место и при менување на часовен појас.
  • Опструктивен прекин на спиењето: прекин на воздухот/дишењето за време на спиењето кое што предизвикува недостаток на длабок сон и често е придружено со ’рчење. Другите форми на прекини во спиењето се помалку познати.
  • Ноктурија: Честа потреба во текот на ноќта за уринирање. Се разликува од енурезисот, или уринирање во кревет, кога лицето не се буди од сонот, но мочниот меур се празни.
  • Сомнифобија: страв од спиење.

Ова се неколку примери за здрави навики кои ќе помогнат во победување на несоницата:

  • Ограничете ги дремките на 30 минути. Но, тие не се замена за добро спиење во текот на ноќта.
  • Вежбајте. Но, не пред да легнете во кревет. Имајте физичка активност некаде до средината на денот.
  • Уживајте во природно светло. Изложувањето на сончева светлина во текот на денот и на темнина во текот на ноќта го регулира телесниот часовник и ќе ви помогне во чувството на поспаност навечер.
  • Откажете се од екраните, од мобилниот телефон, од компјутерот, од телевизорот. Обидете се да се оттргнете од нивното зрачење еден час пред да одите во кревет
  • Здрава опција се и природни лекови, односно, лековити билки што помагаат кога ќе нападнат нервозата и стресот. Природните препарати на база на мелатонин, камилица, валеријана, маточина, придонесуваат за квалитетот на сонот. Мелатонинот се користи како еден од природните суплементи во третманот на несоницата. Овој хормон кој природно го имаме во нашето тело, функционира на тој начин што ја намалува телесната температура и предизвикува заспивање. Тој го регулира сонот, а го произведува епифизата во најголеми количини после заоѓање на сонцето со што се подготвува телото за спиење. Тој помага во скратување на времето потребно за заспивање, а особено е корисен за ублажување на субјективното чувство на jet lag (луѓе кај кои е нарушен нормалниот ритам поради промена на временски зони).
Прочитајте:  Дали патите од социјален џетлег?

М-р Фарм. Јулија Димовска

PharmaS_Dormirin_Forte_main_700x90


Споделете со пријателите!