Здравиот сон е најважниот фактор за животна долговечност.
Сонот е значаен за телесното и за духовното здравје. Никогаш не треба да се игнорира важноста на здравото и квалитетно спиење, и не дозволувајте да ја плаќате со своето здравје цената на несоницата. Докажано дека здравиот сон е најважниот фактор за животна долговечност, дури и повлијателен од исхраната, вежбањето или генетското наследство. А сепак, многумина од нас не обрнуваат внимание на тој факт и не внимаваат на тоа кога си легнуваат, спијат неуредно, се будат среде ноќ и стануваат уморни.
Несоницата е дефинирана како повторувачка потешкотија која се однесува на заспивањето, одржувањето на спиењето или квалитетот на сонот, која се случува и покрај соодветното време и можност за спиење, а резултира со пореметување на дневните активности. Вообичаени критериуми по кои се одредува дали некој пати од несоница се:
- Потребно време за заспивање – повеќе од 30 минути;
- Спиење помалку од 6 часа;
- Будење повеќе од 3 пати во текот на ноќта;
- Спиење кое е со слаб квалитет.
Луѓето кои патат од несоница имаат значајно нарушен квалитет на живот кој се манифестира преку: дневна поспаност, главоболка, замор, анксиозност, раздразливост, немање концентрација, и значаен пад во реализација на своите бизнис цели. Стотици илјади луѓе ширум светот се соочуваат со многу здравствени проблеми како последица на недијагностицирани и нелекувани проблеми со спиењето. Загрижувачка реалност е фактот што околу нас постојат луѓе кои секојдневно се уморни и исцрпени поради тоа што не знаат како да го решат проблемот со спиењето. Ако до пред некоја деценија несоницата ја погодуваше пред се, средовечната популација, сега многу често границата е спуштена под 40-та година. Значи, се повеќе е погодена младата работоспособна популација и тоа пред се заради начинот на живот и современите навики. Грижата за семејството станува се поголема, а работните обврски бараат се поголема одговорност. Амбицијата и должноста прават притисок младите да се движат побрзо и да завршуваат повеќе работи. И кога доаѓа време за одмор, мозокот се уште работи, телото никако да се смири и спиењето станува цел која не може да се достигне. Ова темпо на живот не држи напнати, нервозни, нетрпеливи и под стрес. Студентската популација со навиката да се учи или да се излегува доцна навечер (или преку цела ноќ), а потоа да се преспива денот е исто така лесно подложна на несоница.
Како едно од најлесните решенија на овој проблем, е земањето седативи. Лековите направени по хемиски пат помагаат во заспивањето, но не и во квалитетот на сонот. Истите имаат несакани ефекти од кои најлош е создавањето зависност доколку лекот се користи подолг временски период. За среќа постојат и природни решенија. Суплементите со мелатонин, корен од валеријана, екстракт од лист од мелиса и цинк како што се капсулите Dormirin Forte не предизвикуваат зависност и се сигурно решение за мирен и квалитетен сон. Тие го помагаат сонот во смисла на полесно и побрзо заспивање, но што е исто така многу значајно, го одржуваат и квалитетот на сонот и неговиот континуитет. Затоа најмногу се препорачува кај луѓето кои често се под стрес поради својата работа, работни обврски и одговорности, како и кај оние кои често патуваат и менуваат повеќе временски зони.
Д-р Татјана Ристовска
