znaci-deka-imate-nedostatok-na-b12_image
Споделете со пријателите!

Недостатокот на витамин Б12 во организмот често има слични симптоми со други заболувања и токму затоа претставува „тивка“закана
Недостатокот од витамин Б12 многупати останува незабележан, а всушност може да биде многу опасен. Тешко се открива бидејќи неговите симптоми се поистоветуваат со други дијагнози на болести. Недостатокот на витамин Б12 се појавува во стадиуми. Почнува со опаѓање на нивото на Б12 во крвта, потоа прогресира во клетките, за конечно да доведе до макроцитична анемија. Некои имаат поголем ризик од недостаток на овој витамин за разлика од други.

Бидејќи Б12 најмногу го има во производи од животинско потекло, особено голем ризик за негов недостаток имаат вегетаријанците и веганите.

За да го добијат овој витамин, вегетаријанците треба да консумираат млеко од соја или млеко од јаткасти плодови. Исто така, ризик фактор претставува и возраста. Во ранлива група спаѓаат и жени со историја на неплодност и спонтани абортуси како и оние кои редовно земаат средства против желудочни киселини. Внесувајте Б12 преку храната и следно кога ќе сакате да јадете риба, одлучете се за туна, лосос или сардини, бидејќи изобилуваат со овој витамин. Него најмногу го има во месото, особено во говедско и јагнешко месо, во јајцата, сирењето итн. Неколку од знаците кои можат да се појават заради недостаток на Б12 се:

Постојан замор и потреба од сон

znaci-deka-imate-nedostatok-na-b12_image1Заморот е еден од првите знаци за недостаток на витамин Б12. На телото му е потребен витамин за да создава црвени крвни зрнца кои што носат кислород до органите. Доколку клетките немаат доволно кислород, вие постојано ќе се чувствувате поспано без оглед колку часа сте спиеле. Слабите мускули се исто така производ на недоволна количина кислород од црвените крвни зрнца.

Прочитајте:  5 Намирници богати со железо

Заборавање

Заборавеноста, особено кај повозрасните пациенти, најчесто се припишува на рана деменција или се смета за почеток на Алцхајмер. Ниското ниво на Б12 често се поистоветува со други здравствени состојби. Затоа е потребно да се направи тест на крвта кој би покажал доколку има недостаток од овој витамин. Симптомите исчезнуваат со земање на суплементи.

Јазикот е мазен и црвен

Половина од оние кои што патат од голема загуба на Б12 ги губат папилите на јазикот, особено на краевите. Нивното губење придонесува до промена на вкусот на храната, па затоа оние со недостаток на Б12 можат значително да ја намалат телесна тежина бидејќи не го чувствуваат вкусот на храната.

Промени во расположение

Се претпоставува дека недостатокот на Б12 придонесува кон промени на расположението и води кон раздразливост, но лекарите сè уште не се сигурни зошто недостатокот на овој витамин го зголемува ризикот од депресија. Една можност е дека Б12 е вклучен при синтезата на мозочните хемикалии, како што се серотонин и допамин задолжени за регулирање на расположението.


Споделете со пријателите!