Споделете со пријателите!
Тегобите во желудникот се доста чест проблем со кој луѓето се соочуваат
Желудникот ја вари храната со помош на желудочните киселини и ензими. Но, тегобите во желудникот се доста голема непријатност што често многумина од нас ја искусуваат. Се случуваат поради навраќањето на желудочните киселини во хранопроводот. Иако многумина мислат дека оваа состојба е непријатна но безопасна, сепак треба да се обрне повеќе внимание на истата.
Киселините можат да го оштетат хранопроводот и да предизвикаат и посериозни последици доколку состојбата ја игнорираме и не ја третираме.
Добрата вест е дека постојат начини на кои можеме да си помогнеме за да ги избегнеме киселините во желудникот.
- Јадете помала количина на храна, но почесто, и избегнувајте ги обемните оброци. Не голтајте големи залаци храна. Колку пообемно јадеме толку подолго време му треба на желудникот да ја свари храната, а тоа може да предизвика навраќање на киселините во хранопроводот и непријатност за нас.
- Избегнувајте да јадете доцна навечер. Оставете му доволно време на желудникот да ја свари храната. Не јадете ужини или целосен оброк најмалку три часа пред да легнете да спиете.
- Не вежбајте веднаш после јадење за да оставите време храната да се свари. Почекајте барем два часа пред да почнете со вежбање за да ги избегнете тегобите предизвикани од киселини.
- Спијте во малку подигната положба така што ќе го подигнете торзото, а не само главата и рамената. Подигнувањето само на главата и рамената, всушност може да го зголеми притисокот врз желудникот.
- Избегнувајте ја храната што е позната по предизвикување на тегоби. Мрсната храна, зачинетите оброци, доматите, лукот, млекото, кафето, чајот, кока-кола, чоколадо, сето ова може да предизвика киселини и тегоби во желудникот.
- Џвакајте гума за џвакање која не содржи шеќер после оброкот. Џвакањето ќе го зголеми лачењето на плунката, а тоа ќе ги неутрализира киселините во хранопроводот и ќе ги врати назад во желудникот.
- Консултирајте се со лекар за да дознаете дали некои од лековите што ги пиете можат да предизвикаат тегоби или болка слична на тегобите предизвикани од киселини.
- Намалете ја телесната тежина доколку вагата покажува висока бројка. Големата тежина дополнително го оптоварува желудникот и предизвикува киселините да се враќаат во хранопроводот. (за да проверите дали имате нормална или прекумерна тежина, можете да го користите нашиот BMI Калкулатор, кој што се наоѓа на долната десна страна од овој текст.)
Споделете со пријателите!
