Падот на работната меморија поради акутна загуба на сонот претставува фактор на ризик за штетни несреќи и грешки.
Терминот работна меморија се однесува на нашата способност да чуваме информации за кратки периоди, истовремено користејќи ги за да донесеме некоја одлука или да завршиме некоја задача.
Еден пример на работна меморија е додавање на контакт на вашиот мобилен телефон; привремено чувате низа броеви во умот додека истовремено ги впишувате во вашиот мобилен уред.
Некои досегашни истражувања покажаа дека работната меморија може да биде негативно погодена од недостаток на квалитетен сон. Оттука, истражувачи од Одделот за невронаука на Универзитетот во Упсала во Шведска се обиде да дознае повеќе за тоа како лошиот сон влијае на работната меморија. Наодите од студијата предводена од Фрида Рангтел беа објавени во дневникот „Journal of Sleep Research“.
„Со оглед на тоа што регулирањето на спиењето и будноста и нивното влијание врз когнитивните перформанси се разликуваат помеѓу мажите и жените, една од целите на оваа студија беше да се утврди дали недостатокот на добар сон различно влијае на работната меморија на мажите и жените“, забележува тимот.
Студијата вклучила вкупно 24 млади луѓе, од кои 12 мажи и 12 жени. Секој од нив поминал два мемориски теста спроведени во одреден период со простор од една недела. Првиот тест бил направен едно утро по целосен ноќен сон кој траел околу 8 часа, додека вториот тест бил направен едно утро по цела ноќ помината во будност.
Во тестот за меморија од учесниците се барало да се сетат на осум-цифрен редослед на броеви. Секој учесник го повторил тестот 16 пати, а тимот ги искористил своите просечни оценки за да ја процени нивната работна меморија. Добиените резултати откриле дека будноста преку целата ноќ немала никакво влијание врз работната меморија кај мажите. Од друга страна, кај жените што биле будни цела ноќ, тестовите покажале намалување на работната меморија.
„Работната меморија е централна во когнитивното функционирање и клучна за ефикасно и ефективно вршење на различни активности во академски, професионални и социјални средини. Имајќи го ова на ум, мошне е разбирливо што падот на работната меморија поради акутна загуба на сонот претставува фактор на ризик за штетни несреќи и грешки“, потенцираат тие во извештајот објавен во дневникот.
Како што посочува Рангтел, жените можеби ќе треба да бидат многу претпазливи во извршувањето на секојдневни активности во деновите кога нема да спијат добро. Зборувајќи за ограничувањата во студијата, Рангтел забележува дека не е јасно дали недостатокот на квалитетен сон влијае врз работната меморија на жените во текот на целиот ден, бидејќи тие ја тестирале само во текот на утринските часови. Покрај тоа, таа забележува дека од оваа студија не можат да заклучат дали ефектите што слабиот сон ги има во други области на менталната активност се разликуваат по пол.
