Би сакала да прашам: Одговори за љубопитните жени, мајки, девојки
Хормонската терапија не е безопасна. Што може да ми се случи?
Повеќето лекови што се користат како хормонска терапија можат да влијаат на коските и да доведат до појава или до забрзување на процесот на остеопороза. Ова е особено точно за групата на лекови наречени инхибитори на ароматаза. Затоа, особено е важен секојдневниот внес на калциум и витамин Д, како и периодично одредување на густината на коските со скенирање наречено дензитометрија.
Пациентките над 50 години треба да консумираат околу 1200 мг калциум дневно, пред се храна богата со калциум, како и додатоци во исхраната.
Што ако почнам да качувам на килограми? Дали е тоа последица на терапијата која ја примам?
Важно е да се знае дека зголемувањето на телесната тежина има негативно влијание врз прогнозата на болеста, бидејќи естрогените дополнително се создаваат во масното ткиво. Редовната физичка активност поволно влијае на прогнозата на болеста. Покрај тоа, физичката активност значително го намалува губењето на густината на коските и го намалува ризикот од фрактура на коските. Според последните податоци, дополнувањето на калциум и витамин Д само без вежбање не спречува фрактури кај жени кои се лекуваат од карцином на дојка.
Умерена изложеност на сончева светлина, исто така, помага да се одржувa соодветно ниво на витамин Д во крвта!
Дали некогаш се случува жена со карцином на дојка да одбива да пие хормонски апчиња? Што во тој случај?
Не е исклучен тој податок, но за среќа ретко пациентката одбива да ја пие препорачаната хормонска терапија. Пациентката обично се обидува со хормонска терапија, но знае да ја прекине заради несакани ефекти кои таа не може да ги поднесе. Во овие ситуации, важно е да се пристапи кон секоја пациентка индивидуално, во зависност од карактеристиките на нејзината болест и да се обиде да и се овозможи друг лек со ист или сличен ефект, како и да се воведат промени во животниот стил кои би можеле да ги ублажат несаканите ефекти на терапијата.
Што е со жените кои се разболеле и не родиле? Може ли да се зачува репродуктивната функција на жената и покрај се?
Едно време, лекарите строго советувале да се избегне и прекине бременоста која веќе започнала по третманот на карцином на дојка, со оглед на бременоста и високи нивоа на естроген хормон во бременоста како дополнителен фактор на ризик за лошиот исход. Поголемата грижа се однесувала на туморот зависен од естроген. Неодамнешните податоци се покажале поповолни отколку што се сметало порано.
На сите пациенти на репродуктивна возраст треба да им се советува да ја зачуваат функцијата на јајниците и потенцијалот за складирање на клетки пред да започнат со специфичен онколошки третман.
