prirodni-lekovi-protiv-vaginalni-infekcii_image
Споделете со пријателите!

По долги години студии од експерти од цел свет, дојдовме до заклучок дека пробиотиците се покажале дека имаат бенефит во оддржување на вагиналното здравје на жената.
Повеќе од 50 различни микроорганизми живеат во вагината кои се дел од вагиналната флора. Многу од нив се тип на бактерии наречени Lactobacilli. Овие бактерии помагаат во оддржувањето на здравјето на вагината и спречување од опортунистички инфекции. При недостаток на овие Lactobacilli и зголемено размножување на некои други микроорганизми, може да доведе до дисбаланс на вагиналната флора и вагиналната pH. Овој вагинален дисбаланс резултира со: вагинален мирис на риба, дискомфорт, чешање и исцедок.

Вагиналниот дисбаланс резултира со бактериска вагиноза (поголема количина на патогени бактерии) или габична инфекција.

При бактериска вагиноза, овие патогени бактерии доведуваат до зголемување на pH на вагината. При зголемување на pH на вагината, се намалува и бројот на Lactobacilli. При бактериска вагиноза во третманот се користи антибиотска терапија во синергија со пробиотици.

Габичната инфекција е најчесто предизвикана од Candida albicans која се развива при намален број на Lactobacilli. Намалување на бројот на Lactobacilli и прекумерно размножување на габата се случува при:

  • По антибиотска терапија, кога Lactobacilli-те се уништени од оваа терапија;
  • За време на бременост, кога имаме природен пад на имунитетот;
  • Неконтролиран дијабетес;
  • Намален имунитет;
  • Користење на контрацептивни средства или терапија со високо ниво на естроген.

При габична инфекција се користи локална маст/крема во комбинација со пробиотици за подигнување на нивото на „добрите бактерии“Lactobacilli.

Овие „добри бактерии“ – Lactobacilli, дел од групата на пробиотици за вагинална флора се конзумираат во форма на исхрана, капсули или вагинални супозитории за превенција и третман на вагиналните дисбаланси.

Прочитајте:  Совети за заштита од сонце

Експертите веруваат дека овој вид на пробиотици Lactobacillus, поточно Lactobacillus acidophillus, помагаат во оддржување на вагиналниот баланс/вагиналната флора, преку закачување на вагиналната слузница и на тој начин им отежнуваат на патогените „лоши“ бактерии да се размножуваат. Исто така, Lactobacilli-те директно адхерираат за патогените бактерии, ги уништиваат и превенираат нивно ширење.

При состојби на вагинален дисбаланс се препорачува и храна богата со пробиотици, како што е јогуртот со пробиотици, како и изобилство на свежо овошје, зеленчук и јаткасти плодови. Овие намирници се сметаат за пребиотици (храна за „добрите бактерии“), кои помагаат при раст на здрави пробиотски бактерии во телото на жената.

М-р фарм. Емилија Андоновска

PharmaS_ProBalans Lady_700x90


Споделете со пријателите!