medicinski-tretman-kaj-pacienti-so-simptomi-na-bhp-blagoja-zdravev
Споделете со пријателите!

Хируршкиот зафат е третман од избор кај БХП. Се применува кај пациенти кај кои симптомите не им се подобриле по терапијата или не можат воопшто да уринираат
Бенигна хиперплазија како немалигно заболување се јавува кај една половина од мажите постари од 60 години, а дури 90% од мажите на 80-годишна возраст имаат аденом на простатата и тешкотии со мокрењето. Простатата почнува да расте по 40-годишна возраст, а најчести пациенти во уролошките ординации со тегоби со мокрење се мажи над 60 години. Постојат неколку различни пристапи при лекување на БХП. Еден од нив е надгледување. Ова се однесува на пациенти кои немаат симптоми на БХП. Не се третираат, но се прават чести прегледи. Медицински третман на БХП се препорачува кај пациентите кои имаат симптоми.

„Несаканите ефекти меѓудруготе се: главоболка, изнемоштеност, ејакулациски проблеми.“

Лекови од избор се: aлфа блокатори, лекови кои ги релаксираат мазните мускули на простатата и на мочниот меур, што помага при уринарната опструкција. Несаканите ефекти вклучиваат главоболка, изнемоштеност, ејакулациски проблеми. Најчесто користени алфа блокатори се: тамсулосин, алфузосин, теразосин или доксазосин. Овие лекови ги подобруваат симптомите по неколку недели, но немаат ефект во големината на простатата.

Од друга страна, инхибиторите на 5 алфа редуктаза се лекови кои ја блокираат конверзијата на тестостеронот во активната форма дихидротестостерон. Зголемувањето на простатата е директно зависно од ДХТ, така што овие лекови ја намалуваат големината на простатата за околу 25% за 6 до 12 месеци. Поради оваа причина подобрувањето на симптомите се гледа по подолго време. Лекови од избор во оваа група се: финастерид и дутастерид. Несаканите ефекти вклучуваат импотенција и проблеми со ејакулација.

Прочитајте:  Недостатокот на внимание и хиперактивноста (АДХД) и мозокот на децата

Хируршкиот зафат е третман од избор кај БХП. Се применува кај пациенти кои симптомите не им се подобриле по терапија, или не можат воопшто да уринираат. Трансуретрална ресекција на простатата е ендоскопско хируршко лекување кое се спроведува кога простатата има волумен до 60 ml. Трансуретралната ресекција на простатата е третман за комплицирана простатична хипертрофија и најдoбро документирана опција за третман на некомплицирана болест, со мал волумен на простатата. Ретко резултира со еректилна дисфункција, но речиси секогаш дава ретроградна ејакулација. Простатектомијата ретко се применува денес, обично кај многу зголемени простати и кога постојат комплицирани облици на БПХ придружени со калкулоза или со дивертикулуми.

Д-р Благоја Здравев, специјалист уролог


Споделете со пријателите!