probiotici-najdobra-preventiva-za-vaginalni-infekcii_image
Споделете со пријателите!

Вагиналните инфекции се најчесто присутни кај помладите односно сексуално активни жени бидејќи можноста за сексуално преносливи инфекции е поголема
Едно од најчестите заболувања од гинеколошки аспект кај жените се вагиналните инфекции или колпитите. Тие се среќаваат од најмала т.е. детска возраст па се до длабока старост. Меѓутоа најчесто е присутна кај помладите односно сексуално активни жени, затоа што тука можноста за сексуално преносливи инфекции е поголема.

Најчестите причинители за вагиналните инфекции се:

  1. Габи (Candida albicans)
  2. Trachimonas vaginalis
  3. Бактерии – Gardnerella vaginalis
  4. Вируси HSV-2 и HPV

Најчест причинител од наведениве е кандидата, а нејзини симптоми се чешање, болка во вид на горење, карактеристичен габичен мирис, вагинален секрет кој е обично бел или во вид на изварок, непријатност или болка за време на мокрење и/или сексуален однос.

„Кандидата многу често се јавува и после земање на антибиотици.“

Овие симптоми почесто се изразени во период пред менструација поради тоа што настанува промена на киселоста на вагиналниот секрет во тој период. Меѓутоа инциденцата за појава на кандидијазата е исто така голема и кај бремени жени, кај неконтролиран дијабет, кај жени кои користат орални контрацептиви.

Кандидата многу често се јавува и после земање на антибиотици доколку не се заштити соодветно жената со употреба на пробиотици.Оваа промена како резултат на земање на антибиоитци се случува поради нарушување на балансот на лактобацилите кои ја сочинуваат вагиналната микрофлора.

За таа цел потребно е да се користат пробиотици кои содржат висока концентрација на Lactobacillus acidophilus.

Нивната улога е да ја обноват вагиналната микрофлора, да ја намалат pH вредноста на микрооколината и да произведува H2O2 кој делува бактерицидно.

Прочитајте:  Oral Biotic - прв пробиотик во светот за заштита на грло, нос и уво

Употребата и на млечната киселина исто така има голема улога во одржувањето на ниска pH вредност со тоа што ги инхибира металопротеиназите и на тој начин го чува интегритетот на цервиксот и се намалува можноста од инфекции на горниот генитален тракт.

Изофлавоните од соја имаат битна улога во одржувањето на естрогеснката активност на фитоестрогените со што придонесуваат до зголемување на концентрацијата на гликогенот и тропизмот на мукозата.

За да се намали сложеноста на терапијата добро е што веќе на нашиот пазар постои препарат со повеќе компоненти (Probalans Lady) кои ќе овозможат поефикасно лечење и поголем комфор кај самата пациентка.

Д-р Влатко Данковспецијалист гинеколог


Споделете со пријателите!