mitovi-i-fakti-za-fitnes-programata-P90X
Споделете со пријателите!

Дознајте повеќе за најактуелната фитнес програмата во моментов, програмата P90X
P90X, претставува комплетна фитнес програма со висок интензитет пропратена со план за исхрана. P означува „моќ“ – Power, 90 е бројот на денови потребни да се совлада програмата, а X стои за „екстремно“ – eXtreme. Вака опишано звучи помалку застрашувачки, но овој метод е во моментов најпопуларен начин на фитнес во светот. Кај нас, засега има само неколку фитнес центри кои го нудат овој тренинг, а веќе наголемо почнува да се практикува од поеднинци, кои вежбаат дома. Последниов податок е всушност многу важен за брзиот бум на оваа програма. Тоа значи флексибилност како и намалување на трошоците. Исто така, не се потребни ни многу реквизити. Потребни се само: вратило, еластични ленти, рачни тегови и простирка.

mitovi-i-fakti-za-fitnes-programata-P90X_2Оваа програма е составена од тренерот Тони Хортон – Tony Horton, кој тврди дека успешноста на методот е во континуираното менување на вежбите што доведува до „збунување“ на мускулите. Затоа, практикувачите на P90X тврдат дека овој начин е најдобриот начин за добивање брзи резултати. Бидејќи е релативно нова фитнес програма, има доста различни мислења за и против. Во продолжение ќе пренесеме некои од нив.

Ако имаш спор метаболизам, ќе гладуваш

Мит. Со оваа програма тоа е апсолутно неточно. Здравата исхрана е 80 проценти од резултатите, затоа е клучно да се внимава на неа. Исхраната вклучува претежно протеини и необработена храна. Имаш листа на јадење направена само за тебе, и всушност јадеш повеќе а не помалку. Разликата е во тоа што се храниш поздраво.

Прочитајте:  5 работи што треба да ги знаете за мускулите

Потребна е претходна физичка подготовка

Вистина. За разлика од другите фитнес програми за кои не треба кондиција на почетокот, овде е потребна основна кондиција. Затоа е најдобро пред да започнете, барем еден месец претходно, одете во тератана или трчајте за да ја зголемите издржливоста на телото.

Со P90X се прават многу мускули

Ова е мит. Со оваа програма мускулите се зголемуваат со помош на растегливите ленти, а не со подигање тежина. Тие само убаво ќе се оформат. Впрочем, постојат различни програми прилагодени за секое тело како и за она што сакате да го постигнете.

Трајни резултати за кратко време

Колку и да звучи неверојатно, ова е вистина. Тоа се должи на ефектот на „збунување“ на мускулите што го стимулира телото да се менува без стагнација. P90X се состои од различни вежби како: кардио тренинг, тренинг со тежини, тренинг со скокови, стомачни тренинзи, истегнување, јога и боречки вештини. Исто така, видливите резултати даваат и голема мотивираност да се продолжи понатаму.


Споделете со пријателите!