menopauza-kako-da-uzhivate-vo-najubavite-godini_image
Споделете со пријателите!

Менопаузата е состојба која се очекува и не може да се избегне, но со терапија може ефикасно да се елиминира симптомите
Менопауза или климактериум значи период од животот на жената во кој се гаси функцијата на јајниците (обично помеѓу 40 и 50 години), а завршува околу на 70 години. Менопаузата е состојба која се очекува и не може да се избегне, таа е сосема природна и физиолошка појава која се јавува заради недостаток на естрогени хормони.

Симптоми на менопауза

Недостатокот на естроген во овој период може да предизвика голем број на вазомоторни и психолошки симптоми. Најпрепознатливи се: бранови на топлина и потење, срцебиење, вртоглавица, болки во грбот и болки во зглобовите, често мокрење, сувост на кожа и мукозни мембрани, апатија, раздразливост, анксиозност, плачливост, несоница, главоболки, депресија, намалена сексуална желба. Интензитетот на овие симптоми не може да се предвиди и истите не се јавуваат кај сите жени (25% од жените не ги чувствуваат)

Постојат фактори кои може да влијаат на фреквенцијата на вазомоторните симптоми: стрес, непријатна ситуација, промени во температурата, консумирање на алкохол и силни зачини.

Во зависност од симптомите и нивната фреквенција, може да се комплицира секојдневниот живот на жената и затоа  треба да  се побара помош. Најтешки се менталните симптоми и тие влијаат на жената и нејзиниот став за себе, кон работата, семејството и општеството.

Терапија

Хормонална заменска терапија како и примена на природни естрогени може ефикасно да ги елиминира симптомите и да делува како заштита за нивото на липиди во крвта, го спречува губењето на коскената маса, и да делува превентивно за појава на остеопороза.

Прочитајте:  Придобивки од витаминот Ц

Примената на фитоестрогени и естрогени благотворно влијание врз меморијата и концентрацијата и го намалува ризикот од Алцхајмерова болест. При долготрајна терапија со естрогени се зголемува ризикот од рак на дојка, што предизвикува страв кај жените за нивна примена.

Факти за фитоестрогените

„Најдете го решението во мешунките како сојата, леќата, грашокот и други житни култури“

Нестероидни материи од растително потекло кој се најблиски до естрогените според својата структура и функционирање.

Најдобро проучени групи на фитоестрогени се изофлавони и лигнани. Тие се наоѓаат во повеќе од 100 различни растенија, особено во мешунки (соја, леќа, житни култури, во одредени видови на грав и грашок).

Порано кога се разговараше за фитоестрогени се мислеше на соја и нејзините продукти, но денес се повеќе се акцентира и истражува значењето на црвената детелина која содржи (formononetin, daidzein, genistein i biokanin).

Изофлавоните влијаат на естрогенските рецептори со ефект сличен на естрогенот благо агонистички. Естрогенскиот ефект на изофлавоните зависи од многу фактори како што е количина на супстанцата како и од бројот на рецепторите.

Освен фитоестрогените поволно влијание може да имаат и други билки како што се маточина, кантарион, соја, жалфија итн.

Менопаузата е период за кој секоја жена треба да е свесна и фактот за појава на симптомите секогаш треба да е споделен со матичниот гинеколог или лекар за да може да се добие адекватен совет за примена на естрогени или фитоестрогени со цел за полесно нивно надминување.

М-р фарм. Славјанка Спироска

PharmaS_FemiPause_subcategory_600x90_3


Споделете со пријателите!