hronichna-bubrezhna-bolest_image
Споделете со пријателите!

Знаците и симптомите на бубрежна болест често се неспецифични, тие може да бидат знак за постоење на други болести но при нивна појава секогаш треба да се помисли на оваа состоојба

Хронична бубрежна болест (ХББ) представува трајно оштетување на бубрезите кое што со текот на времето може да се влоши. Тоа оштетување може да настане заради постоење на различни причини/здравствени состојби кои на различен начин влијаат на нарушување на нормалната функција на бубрезите. Хроничната бубрежна болест често пати може да напредува и да предизвика бубрежна инсуфициенција кое е крајната фаза на хроничната бубрежна болест. Третманот е обично дијализа или трансплантација.

Симптоми

Знаците и симптомите на хронична бубрежна болест се развиваат бавно затоа што оштетувањето на бубрезите напредува полека. Најчести симптоми може да бидат:

  • Гадење;
  • Повраќање;
  • Губење на апетит;
  • Замор и слабост;
  • Проблеми со спиењето;
  • Промени во честотата на мокрење;
  • Намалена концентарција;
  • Грчеви во мускулите;
  • Отоци на нозете;
  • Постојано чешање;
  • Болка во градите;
  • Недостиг на здив;
  • Висок крвен притисок (хипертензија) која тешко се контролира со лекови.

Знаците и симптомите на бубрежна болест често се неспецифични, тие може да бидат знак за постоење на други болести. Бидејќи бубрезите се со голема компензаторна моќ овие симптоми може да не се појават додека не се случи неповратно оштетување.

„Знаците на бубрежна болест се неспецифични и може да бидат знак за постоење на други болести“

Постојат повеќе фактори и здравствени состојби кои имаат одредени карактеристики и ги прават различни и неповрзани една со друга но сите тие можат да доведат оштетување на бубрезите и до хронична бубрежна слабост. Затоа при нивното дијагностицирање секогаш треба да се има во предвид потенцијалната опасност за настанување на ХББ.

Дијабетесот и високиот крвен притисок се најчеста причина за оштетување на бубрезите а тоа настанува заради тоа што се оштетуваат крвни садови на бубрезите, при што тие не можат да ја извршуваат својата основна функција-прочистување на крвта.

Други состојби кои водат до ХББ

  • Висок холестерол;
  • Лупус;
  • Пушење;
  • Дебелина;
  • Фамилијарна историја на бубрежна болест;
  • Абнормална бубрежна структура;
  • Старост.
Прочитајте:  Крајот на сексот каков што го знаеме

Како се поставува дијагноза?

„Главниот тест за поставување на дијагноза бубрежна болест е анализа на креатинин преку крвта“

Главниот тест за поставување на дијагноза бубрежна болест е анализа на крв преку која се мери нивото на креатинин кој е отпаден продукт од работата на бубрезите. Користејќи го овој резултат се прави пресметката при што се земаат во предвид возраста, пол и етничка група, а целта е да се види колку милилитри отпад можат да ги филтрираат бубрезите за една минута.

Ова мерење се вика гломеруларна филтрација (GFR).

Здравите бубрези треба да бидат способни да филтрираат повеќе од 90ml/min. Може да имате заболување на бубрезите ако вашиот резултат е помал од ова.

Други Тестови

Тестирање на урина при што се проверува албумин и креатинин во урина и нивниот сооднос, скенирање со ултразвук ЕХО, скенирање со магнетна резонанца (МРИ) или скенирање со компјутеризирана томографија (КТ) – за да се види изгледот на бубрезите и дали постојат некакви стриктурни аномалии.

Биопсија на бубрези, е процедура со која се зема мал примерок од бубрежно ткиво со помош на игла, така што клетките може да се испитаат под микроскоп за знаци на оштетување

Како може да ја спречам ХББ?

Дијабетесот и високиот крвен притисок се најчестите причини за ХББ. Ако имате дијабетес или висок крвен притисок редовно посетувајте го вашиот лекар за да воспоставите контрола на овие две состојби, одржување на нормални вредности е најдобар начин да се спречи заболување на бубрезите.

Здрав начин на живот може да помогне да се спречи дијабетес, висок крвен притисок или да се задржат нивните вредности под контрола.

Следете ги овие едноставни совети за да го намалите ризикот за бубрежна болест и проблемите што го предизвикуваат:

  • Консумирајте храна со малку сол и масти;
  • Вежбајте најмалку 30 минути во текот на неколку дена во неделата;
  • Правете редовни контролни прегледи кај вашиот лекар;
  • Не пушете;
  • Ограничете го алкохолот.

Споделете со пријателите!