koja-e-prichinata-za-hronichnite-bolki_image
Споделете со пријателите!

Ново истражување нуди можни одговори зошто хроничната болка не престанува 
Нова научна студија од колеџот „Кингс“ во Лондон, објавена во онлајн зборникот Cell Reports нуди одговори на прашањето зошто хроничните болки не престануваат, дури и кога повредата што ги предизвикала била многу одамна. Ова истражување и покрај тоа што сè уште е во своите зачетоци може да објасни како малите и навидум безопасни повреди можат да остават молекуларни траги, што доведуваат кон долготрајни оштетувања и хронични болки. Еднократната болка може да се претвори во хронична состојба.

Невропатските болки можат да бидат предизвикани од многу причини, но најчесто од спортски повреди, разни заболувања и од стареење. Проблемот кај оваа здравствена состојба се состои во тоа што опциите за лекување се ограничени. Лекарите најчесто не се во состојба да понудат нешто повеќе од локално моментално ослободување на болките со кремови, масти, инјекции и апчиња против болки. Пациентите кои страдаат од хронични болки имаат преосетлив нервен систем којшто реагира многу повеќе отколку што е потребно.

Иако моменталната болка и повредата се случиле одамна, нервниот систем реагира на сличен начин како повредата да се случува постојано.

Научниците одлучиле оваа појава да ја проучат врз животински модели (глувци), истражувајќи ги имуните клетки во нивниот нервен систем. Токму овие клетки се познати по нивната улога во создавањето на хроничната болка. Научниците открија дека оштетувањето на нервите ја менува епигенетиката на некои од гените во имунолошките клетки.

Епигенетиката претставува процес со кој се утврдува кој ген е изразен и каде.

Некои епигенетски сигнали имаат директни функционални последици, додека други се само примери: индикатори кои укажуваат на потенцијалот за дејствување или менување. Доколку наодите во оваа студија се точни, научниците треба да дојдат до одговорот на кој начин можеме да ги излечиме нашите гени, т.е. на кој начин да се избрише меморијата во клетките?

„Постоењето на овие нови епигенетски трагови може да означува дека тие ја носат меморијата на иницијалната повреда“

Животинските имуни клетки набљудувани во ова истражување сè уште се однесувале нормално, но постоењето на овие нови епигенетски трагови може да означува дека тие ја носат меморијата на иницијалната повреда. „Ние во крајна линија се обидуваме да откриеме зошто болката може да се претвори во хронична состојба. Ние веќе знаеме дека пациентите со хронична болка имаат нерви кои се поактивни и сметаме дека ова се должи на различните протеини и канали во тие нерви кои имаат различни својства“ – рече д-р Франциска Денк –Franziska Denk, главниот автор на студијата од Центарот за болести поврзани со стареењето „Волвсон“ при Институтот за психијатрија, психологија и неврологија во Лондон.

Прочитајте:  Добредојдовте во бионичката ера [ВИДЕО]

„Ние сакаме да знаеме зошто овие протеини и канали ја одржуваат својата модифицирана функција низ толку долг временски период. Клетките имаат системи на одржување на домаќинството со кои поголемиот дел од нивниот состав е заменет и обновен на секои неколку недели и месеци – па, зошто тогаш круцијалните протеини продолжуваат да бидат заменувани со дефектни верзии на самите нив? Нашата студија е првиот чекор кон пронаоѓањето на одговорот на ова прашање со истражување на можноста со којашто промените во хроничната болка можат да останат поради епигенетиката. Ние се надеваме дека идните истражувања во оваа област можат да помогнат во потрагата по нови терапевтски цели“ – објаснува д-р Денк.


Споделете со пријателите!