5-pridobivki-od-cuvanje-domasen-milenik_image
Споделете со пријателите!

Домашниот миленик е најдобриот другар на човекот што влијае позитивно на многу аспекти од неговиот живот
Домашните миленици играат огромна улога во животот на човекот. Многубројни истражувања го докажуваат нивното позитивно влијание и придобивките во физичкиот и умствен развој кај секој кој што чува домашно милениче. Сè побројни се луѓето кои се одлучуваат да чуваат куче или маче, бидејќи освен што носат огромна радост и забава во домот, истовремено позитивно влијаат на физичкото и психичко здравје на целото семејство. Домашните миленици се омилените и верни другари на човекот бидејќи се постојан и неисцрпен извор на среќа и задоволство, како и на сигурност и безбедност. Издвоивме пет здравствени придобивки од чувањето на домашен миленик:

Домашните миленици поттикнуваат поголема физичка активност

Многу досегашни истражувања покажале дека секојдневната грижа за домашното милениче ја поттикнува секојдневна грижа за самите себе. Оттаму, луѓето коишто имаат домашни миленици многу повеќе пешачат, трчаат, возат велосипед и планинарат, отколку оние коишто немаат домашно милениче. Секојдневната грижа за домашниот миленик, куче или маче, подразбира секојдневни физички активности што го активираат човечкото тело и придонесуваат квалитетно согорување на калориите.

Домашните миленици го намалуваат стресот

Домашните миленичиња умеат да го намалат стресот кај човекот, како и да помогнат во лекувањето на анксиозноста или депресијата кај оние коишто се соочуваат со нив. Вообичаено, грижата и вниманието коишто ќе му ги пружите на домашниот миленик ќе ви помогнат во оттргнување на мислите од проблемите и потешкотиите со кои што се соочувате во било кој период. На овој начин миленикот ќе направи да се чувствувате посмирено. Имено, домашните миленици го зголемуваат нивото на серотонинот и допаминот во нашиот организам, хормони што нè смируваат и релаксираат.
5-pridobivki-od-cuvanje-domasen-milenik_image1

Прочитајте:  12 август – Меѓународен ден на младите

Домашните миленици го зајакнуваат имунитетот

Имунитетот на човекот е тесно поврзан со секој аспект во неговиот живот, започнувајќи од овој дома и на работното место, сè до неговиот љубовен и социјален живот. Се смета дека оние што имаат домашно милениче имаат силен имунитет, а со тоа регулиран крвен притисок, како и намалено ниво на холестерол и добра циркулација. Сите овие здравствени придобивки се должат на секојдневниот активен живот што го водат во чекор со својот миленик.

Домашните миленици внесуваат среќа и забава во домот

Доброто здравје и расположение на човекот оди рака под рака со амбиентот во кој тој живее и работи. Оттука, домашните миленици претставуваат неизмерен извор на среќа, љубов и радост што во домот или во канцеларијата создаваат пријатна и удобна атмосфера која директно влијае на расположението и здравјето. Негата и вниманието што ќе му ги пружите на миленичето ќе ве направат посреќни и позадоволни бидејќи ќе почувствувате како едно мало животинче ужива во вашето друштво и ви се радува кога се грижите за него.

Домашните миленици влеваат самодоверба и поттикнуваат социјализација

Домашните миленици со сигурност може да ви донесат поголема самодоверба и да ви помогнат кога станува збор запознавање на нови луѓе. Секојдневните прошетки и игри со кучето во соседството ќе ве релаксираат и ќе ви овозможат полесно социјализирање со луѓето околу вас, особено доколку сте срамежлива и интровертна личност.  


Споделете со пријателите!