Направете си здрав и вкусен појадок со хељда
За да направите каша од сурова хељда не ви треба строг рецепт. Откако ќе отстои во вода, изблендирајте ја со некоја течност (млеко, јогурт, кефир, растително млеко, сок), зрна, семки, јаткасти плодови, свежо или замрзнато овошје, зачини (ванила, цимет) и нешто за заблажување (мед, суви овошја). Испробајте разни комбинации и видете што најмногу ви се допаѓа, дури не го пронајдете идеалниот вкус. Оваа каша е одличен избор за здрав и хранлив појадок.
- 1 шолја зрна хељда;
- рака бадеми
- 1 лажица семе чиа;
- ½ шоља кефир;
- 2 јаболка;
- рака замрзнати капини.
Ставете ги зрната хељда и бадемите во вода, во посебни садови, и оставете ги неколку часа или до следниот ден. Потоа исплакнете ги и изблендирајте ги заедно со другите состојки. Надополнетe со кришки јаболко, банана, какао зрна, семки од тиква, мед, цимет и кафе.
Можете да направите поголема количина за да имате и следните денови, само имајте во предвид дека ако користите домашен кефир тој со тек на време станува покисел.
* рецептите со во целост преземени од ситно сецкано
