Дали би победиле во правење ништо? [ВИДЕО]

Се чувствувате виновни кога не правите ништо? Во Јужна Кореја имаат натпревар во „правење ништо“

Современиот начин на живот го фаворизира ставот дека ако не сте постојано зафатени, тоа значи дека не сте продуктивни. Од друга страна, живееме онлајн без пауза, зависни сме од интернет и скоро секој поседува паметен телефон на кој е постојано уклучен. Неодамна во Сеул, Јужна Кореја, група од 60 натпреварувачи зедоа учество во натпреварот Space Out. Натпреварувањето, за прв пат одржано во 2014 година, замислено како перформанс, е идеја на уметникот WoopsYang, со цел на овој начин да го победи стресот, анксиозноста и презаситеноста од информации, а воедно да ја нагласи важноста на квалитетниот одмор.

Учесниците во Space Out, се трудат да се победат меѓусебе, кој може подолго да издржи да не прави апсолутно ништо. Натпреварот трае 90 минути и во овој период учесниците не треба да зборуваат, да се смеат, да јадат, да спијат, ниту пак да користат електронски уреди. Нивниот пулс се мери секои 15 минути, а победник е оној со најстабилен пулс. Или со други зборови, оној што е најсмирен. За повеќето од натпреварувачите ова е можност за вистински одмор, па за овогодинешниот натпревар имало голем интерес и се пријавиле нас 2000 луѓе. Годинава наградата ја понесе еден локален музичар, рапер.

„Сите ќе се чувствуваме подобро кога не правиме ништо, доколку тоа го правиме како група“, вели уметникот WoopsYang, на кого не му пречи што неговиот перформанс ја изгубил уметничката перспектива прераснувајќи во годишен настан од рекреативен карактер.

Во прилог, погледнете го ВИДЕОТО: