Со правилна исхрана можете да го намалите ризикот од канцер
Бројни истражувања ја откриваат врската помеѓу исхраната и канцерот. Токму исхраната се смета за примарна причина кај многу видови канцер, како карцином на желудник, дебело црево, карцином на црн дроб, панкреас и простата.
Храната може да има позитивно или негативно дејство. Таа истовремено содржи канцерогени и анти канцерогени состојки и може да биде многу ризична во зависност од тоа како се подготвува или како се чува.
Со правилен начин на приготвување, канцерогеното влијание на некоја храна може да биде без ризични хемикалии. Токсичните хемикалии кои предизвикуваат уништување на клетките, а со тоа и појава на канцер се познати како оксиданси. Некои хранливи материи, како плодови и семиња на некои растенија кои се додаваат во храната содржат корисни антиоксиданси, кои ги штитат клетките од оксидансите. Доколку обрнете внимание на исхраната и доколку не пушите, можете да ја спречите појавата на канцер.
Се верува дека антиоксидантните витамини го заштитуваат телото од штетните слободни радикали, кои можат да придонесат за заболувања како што е ракот. Антиоксидантни витамини вклучуваат витамин А, Ц и Д. Исхраната богата со овошје и зеленчук (содржи Б6, фолна киселина и ниацин) се појавува како заштита против рак на желудникот, а особено рак на цревата. Компонента на витаминот Е, токотриенол, е поврзана со намалување на ризикот од рак на дојка. Докажано е дека токотриенолот лесно ги убива клетките на туморот. Токотриенол го има во изобилство во палминото масло. Концентрации на токотриенол се наоѓаат и во оризовото и пченичното масло.
Експертите советуваат да се одржува иделна телесна тежина, да се готви со растително масло, да не се консумираат маргарини, чипсови и пржени производи. Два до три пати неделно да се консумира риба која е богата со омега3 – масни киселини и го штити организмот, како и два пати неделно да се јаде црвено месо со ниска масленост. По една чаша секој ден треба да се пие јогурт и млеко со ниска масленост. Сојата е исто така важен извор на храна која е богата со фитоестрогени кои играат клучна улога, особено во контролата и во превенцијата од канцер предизвикан од нарушувањето на хормоните. Сојата исто така штити од карцином на дојка и од карцином на тестиси и на простата. Докторите советуваат да не се консумираат ниту слатки преполни со шеќери. Секојдневно да се пие околу 2 литри вода и да се практикува шетање во природа и возење велосипед.
