Бидејќи станува збор за нелагодност којашто е честа, постојат и многу заблуди поврзани со брзо третирање на стомачните киселини
Желудочните сокови коишто се најважни за правилно варење на храната, стануваат штетни доколку желудникот ги лачи прекумерно. Тогаш се појавуваат стомачните киселини, мачнини, стомачни тегоби, надуеност, чувството на жарење зад градната коска односно жиговина. На секој човек му се случило да почувствува стомачни киселини а некои ги чувствуваат секој ден. Во такви случаи треба најпрво да се внимава на исхрана и да се подобри животниот стил, сè додека не се открие дали можеби постои друга причина за стомачните киселини.
За оние коишто имаат чести проблеми со зголемени киселини во желудникот меѓутоа немаат сериозни медицински состојки кои би ги предизвикале киселините, се препорачлива да се внимава со храната да се јаде почесто и помалку, храната да не е пржена туку варена, односно храна што лесно се вари. Во основа, не постои универзален лек, секој човек знае за себе што му прави киселини, а што не. За да знаете кој метод е најефикасен за вашиот организам, најдобро е да водите дневник на исхрана. Бидејќи станува збор за нелагодност којашто е честа, постојат и многу заблуди поврзани со брзо третирање на стомачните киселини.
Млеко
При случај на вишок желудочна киселина како последица од гастритис, била препорачувана храна која содржи млеко заедно со блендирана (не цврста) варена храна. Всушност, денес се знае дека млекото може дополнително да ја влоши состојбата, бидејќи желудникот произведува повеќе киселина за да ја разгради маснотијата од млекото.
Овошје
При зголемени стомачни киселини и како превенција за гастритис, се препорачува да се избегнува јадење месо и да се внесува повеќе овошје како храна којашто лесно се вари. Ова не е целосно точно. Имено, цитрусното овошје треба да се избегнува, а овошјето повеќе да се консумира во форма на компот или од овошја да се избира банана.
Гума за џвакање
Гумата за џвакање може да биде добра против лошиот здив и лек за жиговина. Таа го стимулира производството на плунка и со тоа го забрзува измивањето на вишокот на киселини, односно ги неутрализира. Кон ова тврдење се приклонети и истражувања, но секако дека треба да се знае целата вистина. Имено, не е само важно таа да биде без шеќер, туку таа не треба да биде пеперминт (најчестиот вид на гума за џвакање). Гумата за џвакање од минт всушност ги влошува симптомите и ги зголемува стомачните киселини. Во секој случај, ваквиот популарен „метод“ не му одговара секому.
Бидејќи ваквата нелагодност може да му се случи на секој после обилно јадење, односно прејадување, после лута и зачинета храна, често јадење на брза храна и слатки, нелагодноста најлесно и најсигурно може да се отстрани со антациди по оброк. Таблетите за џвакање го намалуваат вишокот желудочна киселина и овозможуваат брзо ублажување на чувството на жарење зад градната коска, односно жиговината. Тие се користат при нарушено варење на храната, вклучувајќи и нарушеното варење на храна во текот на бременоста, прејадување и прекумерно консумирање алкохол, при гастритис, улкусна болест, рефлуксен езофагитис, нарушувања на црниот дроб или на жолчното ќесе.
Во секој случај, неправилната исхрана проследена со чести стомачни киселини и нарушено варење на храната му штети на целокупното здравје, па затоа исхраната што ја јадеме секој ден, треба да изобилува со протеини, антиоксиданти, храна богата со Б витамини и калциум, а да се избегнува рафинирана и конзервирана храна.
