Без оглед на тоа колку колку сме љубезни, фини, мирољубив и мирни по природа, порано или подоцна се справуваме со груби и агресивни луѓе. За жал, многу од нас, особено оние кои се полни со љубезност, учтивост и мек карактер, се шокираме во такви ситуации и не знаеме како да постапиме во ситуацијата ниту како да се справиме со тоа однесување.
Разбирање
Прво, е важно да се разбере зошто тој „некој“ одбира да се однесува на непријатен начин. Некои луѓе ја отфрлаат оваа идеја и тврдат дека нема оправдувања за агресивното однесување и дека нема да толерираат суровост под никакви околности. Но, доколку се обидеме да разбереме зошто некој се однесува толку ужасно тоа ќе ни помогне да го контролираме сопствениот темперамент и да реагираме на поефикасен начин.
Еве замислете еден хипотетички пример: Замислете дeка продавате работи врата до врата. Ѕвоните на врата, а од таму дама која вреска и ве колне, а потоа ја треска вратата во вашето лице. Вие ѕвоните уште еднаш и со мирен и јасен глас кажувате, „Зошто имате потреба да зборувате со мене на тој начин? Бев совршено љубезен. Едноставно можевте да ми кажете дека не сте заинтересирани и јас би си заминал. Јас не сум тука за да измамам или крадам. Ова е мојот начин со кој се обидувам да заработам за живот како и секој од нас“. Таа гледа во вас една минута, а потоа прснува во плач, се извинува, и ви кажува дека на тој ден пред една година починал нејзиниот сопруг што загинал во сообраќајна несреќа. Кога би се нашле во оваа ситуација сигурно никој од нас нема да има потреба да возврати назад на агресијата со агресија туку со разбирање.
Разбирањето не треба да се меша со слабост или мекост на карактерот. Но, скоро секогаш постои причина за начинот на кој обично некој се однесува.
Агресијата и суровоста често говорат за одбрана или маска. Срамежливи, вознемирени, исплашени луѓе одат во напад за да се скрие сопствениот страв и ниска самодоверба. Луѓето кои биле малтретирани од својата средина вербално – може да одговорат со агресија како некој кој претрпел физичко насилство. Ако тоа трае тие луѓе најчесто се повлекуваат до степен на депресија но и да посегнат по суицидни мерки. Затоа секогаш обидете се да реагирате на мирен начин а резултатите ќе ве изненадат.
Чиста совест
Бидете свесни за сопственото однесување. Бидете љубезен и учтив. Дали сте? Секогаш имајте самосвест за своето однесување. Ако ништо друго ќе имате чиста совест и најважно, за возврат може да добиете пристоен третман. Повторно, е битно да знаете дека ова не смее да се меша со пасивност или желба да се молите на некој. Оние кои се обидуваат да бидат премногу љубезни често ги иритираат другите и со самото тоа може да го предизвикаат оној вид на суровост и презир, кој сакаат да го избегнат.
Но вашата свест дека вие секогаш сте учтив ќе ви даде сила. И гневот кој го чувствувате кога некој се однесува лошо е на некој начин праведен гнев. Во потсвест сакате да и знаете дека заслужувате подобро однесување особено кога вашето е такво.
Презентација
Прво, мора да бидете внимателни како се претставувате себе си. Како да се каже нешто може да биде толку важно како и она што го кажувате. Па дури и начинот на кој ќе застанете и изразот на лицето може да направат разлика во исходот на комуникација.
Ако некој зборува за вас на ништожен и агресивен начин, секако треба да бидете свесни за вашиот говор на телото. Има докази дека цврст, позитивен став може да влијае на вашите мисли и емоции. Затоа, никако не гледајте во земјата и не ги спуштајте рамената. Наместо тоа, зафрлете ги рамената назад а телото исправено како војнички став. Држете ја главата нагоре а соговорникот гледајте го во очи диретно. Ова не значи дека треба да биде агресивната страна во дијалогот. Можете да му погледнете на некој во очи без да се предизвика тепачка! И никако не треба да се движите кон друга личност. Всушност, не се движете воопшто додека трае агресијата од другата страна.
Следно, бидете внимателни како ќе зборувате. Задржете го вашиот глас мирен и јасен, но со цврст став и асертивеност (Цврст став без агресија). Нема потреба да викате. Но, не брзајте во зборувањето оставете го соговорникот да се докаже. Кажете го тоа што сакате да го кажете со брзината на која сакате да го кажете. Со тоа, ќе добиете контрола на ситуацијата – движете го дијалогот со брзина која вам ви одговара, а не на нив. И не грижете се за впечатокот што се чини дека треба да се направи. Без разлика дали се навредуваат, превртуваат очи, не обрнувајте внимание – вие кажете го вашето мислење.
Се околу тебе!
Личните тренери за градење на Самоувереност прават разлика меѓу пасивност, самоувереност и агресија. Единствениот начин да се справите со груби и агресивни луѓе е вањето однесување да е асертивно а не наметливо. За жал, многу луѓе веруваат дека се однесуваат асертивно, но тие се всушност се агресивни.
Кога ќе се соочат со ништожноста на силеџија, агресивните луѓе ќе одат во напад, применувајќи навреда и обвинувања. Тврдоглавите луѓе, сепак, се фокусираат на тоа како дејствието на силеџијата делува на нив.
На пример, замислете еден млад човек ја пушта музика гласно во текот на ноќта и ги држи сите во зградата будни. Следното утро, агресивните соседи му се обраќаат спротивставувајќи се на неговото дело со навреди обрајќајќи се со изрази од типот на себичен, неук, свиња итн. Очигледно, ова се случува да предизвика непријателски одговор. На асертивниот сосед, од друга страна, пак ќе рече: „Вашата музика ме остави без сон цела ноќ. Не бев во можност да спијам цела ноќ и сега ќе морам да одам на работа цел работен ден без да имам простор за било каков одмор“. Со други зборови, тој се фокусира на тоа како гласната музика има влијание врз него и ги избегнува лични навреди за младиот човек
Конечно мекиот карактер и некој кој се залага само за себе а е многу мек, ќе го каже тоа со многу извинувања, самообвинувања итн. Ако нешто ви смета кажете го тоа што имате потреба да го кажете и не користете никакви додатни објаснувања.
Пстојат три техники за справување со вакви ситуации. Така наречени изјави.
„Изјава за последици“ – во која ги најавувате последиците на таквото однесување и во која го информирате другото лице кое применило агресија дека акцијата која ја превзема ќе доведе до некаков тек на настаните кои ви делуваат и ве загрозуваат, повредуваат вас и дека тоа води до последици.
Така, на пример, од вашиот менаџер ви е кажано дека мора да ја преместите вашата работна маса. Одговорете во мирен, весел глас, „Тоа ќе ми ја отежни работата, но ќе ја преместам за сега. Но секако ќе разговарам со одговорниот на оддел за ова бидејќи на овој начин мене ми е отежнато извршување на задачите“.
„Изјава за одржување на однесувањето“ односно дека доколку продолжи таква комуникација би можеле да го изгубите своето трпение, и дека тогаш би можеле да кажете нешто за кое ќе жалите. На пример важиот сосед ви се „дере“ за тоа што вашето куче влегува во градината. Се извинувате, но продолжува да вика. Тогаш треба да внимаваш на себе зашто не можеш да го контролираш комплетно туѓото поведение и викаш „во право сте ќе го запреме овој разговор“. Не можам повеќе да го толерирам начинот на кој ми се обраќате. Потоа влезете внатре, (или напуштете ја просторијата) без да чекате одговор.
„Техника на расипана лента (repeat)“. Како што сугерира името, ова подразбира повторување на истото одново и одново. Агресивните насилниците често одбиваат да ги земат во предвид вашите одговори и продолжуваат да ви го поставуваат истото прашање, или ги повторуваат истите тврдења, се додека не го добијат она што тие сакаат. Кажи што сакаш да кажеш и ништо повеќе. Ако другото лице не се повлече, едноставно повторно наведете го својот одговор, почнувајќи со зборовите „како што реков“. Пример некој ве прашува да работите доцна или да направите нешто кое не можете. Вие одговарате дека не можете затоа што вашето дете е болно. Тие повторно го прашуваат, истото прашање со агресивен, силен тон на малтретирање. Вие одговарате мирно, „како што реков, не можам – син ми е болен“.
Не правете грешка, да се борите со агресијата со агресија или одстапка, справување со непристојно навредливо и грубо однесување може да биде многу тешко. Некои луѓе се толку застрашувачки што само нивното отсуство може да ве ослободи. Но, колку повеќе вежбате, толку подобро ќе се справувате. Конечно, стоењето за себе и својот став ќе стане ваша природа.
