Не срамете се доколку имате темни дамки на вашите пазуви и дознајте ја причината за нивното појавување
Појавата на темна кожа под пазувите не зависи толку од типот на кожата, колку од начинот на кој се грижите за неа. Оваа дерматолошка појава исто така може да биде показател на почеток на одредено заболување.
Една од причините за оваа појава е честото бричење и користење на дезодоранс.
Бричењето и потоа користењето на дезодоранси што содржат состојки како алкохол или парфем, можат да предизвикаат екстремна иритација. „Кога кожата е иритирана, се развива воспалителна реакција која ги стимулира клетките што прават пигмент (меланоцити) за да генерираат повеќе пигмент, што кожата ја прави потемна. Ова го нарекуваме промена на бојата PIH или пост-инфламаторна хиперпигментација“ – рече д-р Ен Си Зедлиц (Ann C. Zedlitz), дерматолог од Батон Руж, Луизијана.
Темните сенки под пазувите можат да бидат показател на почетна фаза од дијабет или пак инсулинска резистенција.
Темните пазуви исто така може да бидат последица од здравствена состојба наречена црна акантоза (acanthosis nigricans) што го напаѓа пигментот на кожата. Ова често се поврзува со инсулинската резистенција и дијабетесот. „Абнормалниот метаболизам кај лицата со дијабет или пред појава на дијабет може да предизвика задебелување на кожата што резултира со потемна боја. Ова е најзабележително на вратот, пазувите и препоните“ – истакнува д-р Чина Стил (Chynna Steele).
Неколку начини како да се справите со темните пазуви
Ласерска депилација наместо бричење
За да се избегнат воспаленијата на кожата од бричењето, д-р Стил препорачува ласерско отстранување на влакната. Ласерското отстранување исто така одзема помалку време од бричењето. „Колку помалку триење, толку подобро. Ласерското отстранување на влакната го намалува повторливото триење во конкретните области и исто така не мора да се прави толку често“ – објаснува таа. Сепак, кога морате да се бричите, секогаш користете крема или пена за бричење. „Ова ја намалува иритацијата на кожата и промената на бојата помалку се јавува или не е толку сериозна“ – додава лекарката. За нежна кожа експертите препорачуваат крема за бричење која содржи органски состојки што кожата под пазувите ја прави мека и навлажнета.
Променете го дезодорансот
Некои дезодоранси и антиперспиранти можат да содржат опасни состојки за нежната кожа. Покрај алкохол, мириси, некои од препаратите против потење можат да содржат и соединенија на алуминиум што може да доведе до појава на иритација, а потоа и промена на бојата на кожата. „Доколку производот предизвикува чешање, боцкање или печење, треба да користите нешто коешто е наменето за нежна кожа и произведено без некоја од овие состојки“ – вели д-р Стил. На пазарот постојат и дезодоранси кои со континуирана употреба имаат тенденција да ја осветлуваат кожата.
Користете производи за осветлување на кожата
За понезначајните случаи на промена на бојата на кожата под пазувите, може да се употребуваат производи за осветлување на кожата дури и во овој дел од телото. Тие содржат состојки како којова киселина, околу 4-12% хидрокинон, екстракт од корен на сладунец и некои форми на витамин Ц. „Овие состојки го блокираат производството на меланин од различни агли“ – истакнува д-р Стил.
Обратете се кај вашиот дерматолог
Цели 28 дена се потребни човекот за да ја обнови својата кожа. Но, доколку проблемот постојано ве мачи и забележувате дека и покрај применувањето на сите погоре споменати совети, вашата кожа под пазувите не се осветлува, обратете се кај дерматолог. Специјалистот за кожни болести стручно ќе ви препорача други третмани и терапии за кожа. „Микробоцкањето со којова киселина може да помогне, затоа што ја распространува киселината подлабоко во кожата. Типично, три третмани во интервал од шест недели се потребни за да се забележат резултатите“ – заклучува д-р Зедлиц Стил. Таа додава дека лесен хемиски пилинг со 10% салицилна киселина е уште една добра опција.
