zosto-jazikot-treba-da-se-cisti-sekoj-den_image
Споделете со пријателите!

Јазикот треба да се чисти и одржува исто како останатите делови од телото
Јазикот е важен показател кој укажува на состојбата на нашето здравје. Неговиот облик, боја, влажност или сувост, наслагите, линиите, пукнатините, сите овие одлики се важни за целокупното здравје. Наслагите се еден од факторите кои се клучни за одредување на дијагнозата во организмот. Здравиот јазик е секогаш свеж и со розова боја. Секоја појава на наслага која трае повеќе од неколку денови е знак за потенцијален проблем во телото. Редовното чистење на јазикот не само што го ослободува јазикот од наслаги, туку и го подобрува чувството за вкус, се отстранува непријатниот здив во устата, се штитат забите и усната шуплина. Тенкиот слој кој го прекрива јазикот содржи милиони бактерии, па така, со континуираното чистење се спречува појава на понатамоши инфекции.  

Како додаток во вашата орална хигиена, чистете го вашиот јазик по 10 секунди два пати дневно. Ова значително ќе помогне во намалувањето на бактериите во устата.

Сè што ви треба е чистач за јазик. Употребата на чистачот за јазик е едноставен – лизгајте го нежно врз површината на јазикот 2-3 пати напред-назад. Исплакнете ја устата. Потоа измијте ја детално чистачката со млаз вода. Чистачот за јазик освен што го чисти, воедно и го масира јазикот. Исто така, постојат и четки за заби, кои имаат  дел за чистење на јазикот. Зошто најчесто имаме лош здив наутро? За време на спиењето се излачува помалку плунка, па устата се суши со што се добива слабо влажна средина, која е совршена за размножување на бактерии. Тоа особено се изразува кога дишеме на уста или пак ако пиеме алкохол. Така, додека спиеме бактериите имаат време да си создадат хотел со пет звезди на нашиот јазик.

Прочитајте:  Дали забниот конец е добар за вашите заби?

Дали сте знаеле дека се потребни десет дена за да се обноват завршетоците задолжени за чувството на вкус на јазикот. Многуте наслаги на јазикот можат да бидат знак за лошо варење и болен организам. За совет консултирајте се со вашиот лекар.


Споделете со пријателите!