vanila-sladoled_image
Споделете со пријателите!

Постои ли човек кој не сака сладолед? Овој рецепт е многу повеќе од рецепт за обичен сладолед од ванила 
Овој сладолед нема долго време да ви стои во замрзнувач, бидејќи е многу вкусен. Од него се добива најмазниот и најкремаст сладолед, а може да послужи како основа за многу вкусови. За поизразен ванила вкус, може да додадете семчиња од стапче ванила и искршено темно чоколадо со бадеми и лешници.

  • 4 јајца;
  • 6 лажици шеќер;
  • 2 кесички шлаг;
  • 300 мл ладно млеко;
  • 2 кесички ванилин шеќер;
  • семчињата од едно стапче ванила

Најпрво изматете ги убаво белките, бидејќи за нив миксерот треба да биде чист. Додајте ги шеќерот и ванилата, а потоа и жолчките. Во друг сад изматете го шлагот со млекото. Измешајте го шлагот со јајцата и префрлете ја смесата во сад со капак кој може да се стави во замрзнувач. За оваа количина ви треба сад од 1,5 л. и доколку додавате искршени чоколатца, ставете прво половина од смесата, па половина од чоколатцата, па пак смеса сладолед и остатокот од чоколатцата.

* рецептите со во целост преземени од ситно сецкано


Споделете со пријателите!