Нова ласерска операција за трајна промена на бојата на очите
Ако посакате да имате нова боја на вашите очи, повеќе нема да мора да носите контактни леќи . Сето тоа може да се направи со еден ласерски третман. Медицинската институција „Строма“ од Калифорнија развила процедура во која кафените очи ги претвора во сини. Грег Хомер, кој е на чело на управниот одбор на институцијата „Строма“, нагласува дека секое кафено око има сина подлога. Едниствената разлика е во тоа што кафеното око има тенок слок на пигмент кој ја прикрива сината зеница.
Оваа процедура се изведува со нежно отстранување на кафениот пигмент со воден ласер и слаба енергија. Ласерот поминува низ рожницата на окото, и селективно го апсорбира темниот пигмент.
Тоа е безболна процедура и нема потреба од закрепнување. Пациентот веднаш потоа може да вози и работи. Со постапката од 30 секунди веднаш добивате сини очи. Оваа техника во моментов сè уште се тестира. Хомер објаснува дека испитувањето ќе опфати вкупно 100 пациенти во текот на една година, сè со цел да се соочат со различни случаи и да можат да ги опфатат сите можни ризици. Лекарите сакаат целосно да бидат сигурни дека процедурата е целосно безбедна пред да почнат да ги третираат пациентите кои се решиле да ја променат бојата на очите. Операцијата ќе чини 5000 долари и ќе биде безболна. Доколку сè е според планот на лекарите, во чест на нивната институција и самиот пронајдок, операцијата за промена на бојата од очите ќе ја наречат “Строма“.
Сепак, со оваа операција доаѓаат и многу ризици, а примарна е глукомата. Проблемите можеби нема да бидат очигледни веднаш, но има можност да се појават и по 10 години.
Воедно, поради уништувањето на природната пигментација на зеницата на окото, може да се појават бројни воспаленија. Исто така, пигментација може да доведе до зголемена чувствителност на светлина, која пак води кон потенцијално оневозможување на видот. Големата можност за глаукома произлегува од самото триење на окото и притисокот кој се прави врз него при самото дејствување за исфлање на пигментираните парчиња. Досега не се појавил никаков проблем со испитаниците. Дали знаевте дека само 8 проценти од вкупната популација на планетава има сини очи, што ја прави желбата за сини уште поголема.
