Споделете со пријателите!
Пливачката Анастасија Богдановски постави нов државен рекорд на 200 метри слободно на ЛОИ
Пливачката Анастасија Богдановски, знаменосецот на Македонија на Олимписките игри во Рио, исплива најдобро во кариерата, поставувајќи нов државен рекорд на 200 метри слободно во квалификациите на Олимписките игри во Рио де Жанеиро. Богдановски излезе како третопласираната во втората квалификациска група и исплива со време од 2:00.52. Овој резултат е за 66 стотинки подобар од стариот рекорд. Иако државен рекорд, овој резултат нема да донесе пласман меѓу 16-те најдобри кои ќе пливаат во А и Б финалето на 200 метри слободно. Нејзиниот финален пласман е 33-то место, а најбрза беше Кети Ледецки од САД. Останати наши олимпијци во Рио се Марко Блажевски, џудистката Катерина Николоска, стрелачката Нина Балабан и атлетичарите Дрита Исљами и Ристе Пандев.
Споделете со пријателите!
