galeta-so-jagodi_image
Споделете со пријателите!

Направете вкусен десерт со јагоди 
Едни од најубавите нешта овој период од годината, се јагодите. Со нив може да се направат многу вкусни десерти, а ние ви предлагаме да направите вкусни галети. 

Тесто:

  • 3 шољи интегрално брашно (предлог: измешајте пченично и ‘ржано);
  • ¼ лажиче свежо мелен црн бибер;
  • 1 путер, ладен, исечен на коцки;
  • 3 – 4 лажици ладна вода.

Фил:

  • 20 – 30 јагоди;
  • 2 лажици оцет балсамик;
  • 2 лажици мед.

Измешајте го брашното со биберот, додајте ги коцките путер и мешајте со прсти, со вилушка или со блендер за тесто, додека не се добијат зрнца. Додавајте ладна вода по една лажица, додека не се спои сé во тесто. Поделете го тестото на два еднакви дела, завиткајте ги во проѕирна фолија и ставете ги во фрижидер најмалку еден час, или до следниот ден.

Кога ќе го извадите тестото од фрижидер, исукајте го во круг со пречник отприлика 35 см. Ова може да го направавите врз малку побрашнета хартија за печење, ставена врз најголемиот плех од рерната, превртен наопаку. На овој начин, нема потреба да го префрлувате исуканото тесто од маса врз тавче. Во средината на тестото, на околу 5 см од краевите, наредете ги јагодите исечени на половини. Испрскајте ги со оцет балсамик, па прелијте ги со мед. Завиткајте ги кравевите врз јагодите. Печете ја галетата во рерна загреана на 180°C околу 40 минути, или додека тестото не се испече и не се зарумени.

* рецептите со во целост преземени од ситно сецкано


Споделете со пријателите!