vezbi-vo-voda-za-deca-so-posebni-potrebi
Споделете со пријателите!

Децата со посебни потреби можат да уживаат во затворените базени и да се рекреираат благодарение на придобивките од активностите во вода
Активностите во вода можат да бидат од полза кога станува збор за нашето здравје и за здравјето на децата. Летото и топлите денови се зад нас но водните вежби можат да се прават и во затворените базени, а се од огромна корист и за децата со посебни потреби. Постојат многу начини на кои може да им се подобри состојбата на децата со физички, психички или генетски нарушувања, а водните активности се од огромно значење за нив.

Како терапијата во вода делува врз здравјето на децата со одредени нарушувања во развојот

Придобивките од активностите во вода кога станува збор за подобрување на моториката, психичката состојба или пак социјализацијата на децата со посебни потреби се истакнуваат како особено важни. Вежбите во вода придонесуваат за:

  • Подобрување на моториката кај децата со пречки во развој;
  • Зголемување на свеста за нивното тело благодарение на движењата на водата;
  • Контрола на дишењето;
  • Зацврстување и издржливост;
  • Зголемување на независноста на детето;
  • Зголемување на неговата самодоверба;
  • Релаксација на мускулите;
  • Рекреација и социјализација.

Кога станува збор за терапија во вода, целата опрема, просториите, стратегиите и методите кои се користат за подобрување на состојбата на овие деца се приспособени на нивните потреби. Ваквиот вид на терапија кој помага за подобрување на физичката состојба на децата може да вклучува различни видови на водни активности како пливање, аеробик во вода или нуркање.

Вежбите во вода се одлични за справување со депресија, стрес или вознемиреност.

Водата ја издржува тежината на телото и благодарение на ваквиот вид на терапија се олеснуваат движењата во вода кај децата кои се соочуваат со инвалидитет или останати физички нарушувања. Тоа ја зголемува самосвеста и самодовербата кај нив. Некои од инструкторите кои го применуваат овој вид на терапија кај деца со инвалидитет или останати нарушувања дури и го надополнуваат со други видови на когнитивни активности како математички вежби, вежби за спелување, читање, итн. Терапијата во вода е особено значајна и за подобрување на респираторната функција и развојот на говор.

Прочитајте:  Спортски активности коишто треба да ги практикувате

Вежбите во вода се одлични за справување со депресија, стрес или вознемиреност. Децата стануваат понезависни и посамоуверени. Одлични се и за социјализација со другите деца и со возрасните. И што е најважно, активностите во вода се особено забавни и сите деца ги обожаваат.


Споделете со пријателите!