Децата кои имаат дури и слабо изразени егзематозни промени на кожата почесто имаат нарушен квалитет на сонот од оние кои ја немаат оваа состојба.
Децата кои имаат дури и слабо изразени егзематозни промени на кожата почесто имаат нарушен квалитет на сонот од оние кои ја немаат оваа состојба. Атопичниот дерматит, предизвикува сквамозен осип кој чеша и може да ги држи децата будни во текот на ноќта.
Досега научниците немаа сознанија како егземата влијае врз заспивањето, колку често децата се будат ноќе или колку вкупно часови одмор им се собира во тек на едно деноноќие. Студијата која ја спровеле со оваа цел вклучувала 13.988 деца, од кои 4938, или 35 проценти, имале егзема. Сите имале повеќе проценки за квалитетот на спиење помеѓу 2 и 16 години. Резултатите покажуваат дека дерматитисот нема влијание врз целокупниот сон на децата. Но, во споредба со оние кои не страдаат од болеста, момчињата и девојчињата со благо воспаление на кожата имаат по голема веројатност за повеќекратно нарушување на сонот за 40 отсто. Во адолесцентите со тешка егзема, оваа веројатност е 85% повисока, покажала студијата.
„Оштетувањето е посилно кај децата со потешки форми, како и меѓу оние кои имаат истовремено астма или алергиски ринитис“, вели еден од авторите на студијата д-р Катрина Абубара од Калифорнискиот универзитет во Сан Франциско.
Таа додава дека изненадувачки за научниците, е тоа што истражувањето покажува дека ризикот останува зголемен дури кај деца со лесна форма на атопичен дерматитис, без разлика дали имаат коморбидитети, како и тоа дека опасноста не поминува во периодот кога егземата не е активна. Претходните истражувања покажуваат дека децата со атопичен дерматитис се со поголема веројатност да развијат алергии и астма во споредба со децата кои немаат кожни заболувања. За да се процени квантитетот на спиење, специјалистите ги прашувале мајките колку често децата обично спијат и се будат. Дневните дремки биле вклучени во вкупниот број на часови за спиење кај децата до 7-годишна возраст. Научниците, исто така, собирале податоци за бројот на будења во текот на ноќта, проблеми со заспивањето и сонување на кошмари. Децата со неактивна егзема имаат слични проблеми како кај децата кои имаат лесна форма на атопичен дерматит. Периодите во кои бебињата се будат се само 15 проценти од нарушувањето на сонот. Ова покажува дека овие епизоди не се единственото нешто што води до нарушен квалитет на спиењето кај нив. Еден од недостатоците на студијата е дека истражувачите во голема мера се потпираат на податоци собрани од родителите во врска со проценување на квалитетот и должината на детскиот сон. Тие честопати имаат тенденција да направат превид во проценката на должината на сонот. Она што е сигурно е дека оние деца кои имаат проблем со спиењето чувствуваат дневен замор, слаба концентрација и покажуваат слаби резултати во училиштето.
