Споделете со пријателите!
Кога велиме „знам како се чувствуваш“, го правиме тоа за да покажеме емпатија кон некого. Но дали тоа е навистина така
Дали девојката на сликата погоре е лута или тажна? Тешко е да се каже. Дали некогаш сте му кажале на некого: „Знам како се чувствуваш? Па, повеќето од нас веројатно го направиле во одреден момент, но дали навистина знаеме како другите се чувствуваат, или тоа е само реченица што ја користиме за добро или лошо? Кога велиме „знам како се чувствуваш“, го правиме тоа за да покажеме емпатија кон некого. Ние го правиме тоа со добра намера да го поддржиме некој во тешка ситуација. Од оваа перспектива, тоа е убава манифестација на емпатијата. Но, кажувањето на оваа изјава е неправилна особено од гледна точка на психолозите. Како можеме да знаеме како некој навистина се чувствува? Последиците од изјавата: „Знам како се чувствуваш“ е лага за тоа што ние само сме свесни дека некој е емотивен и дека преживува одредено чувствуво. Поентата е дека природата на емоциите на двајца луѓе никогаш не може да биде иста – затоа можеме да тврдиме дека не успеваме да го преживееме она што другите луѓе го преживуваат. Кога ќе видиме дека некој е тажен, и ние исто така можеме да почнеме да се чувствуваме така. Тоа е затоа што, како што покажува истражувањето, човечкиот мозок е поврзан со оној на другите, но како можеме да знаеме дали ова чувство на тага се чувствува на ист начин од страна на двајца различни поединци? Тоа е можно, но малку веројатно.
Значи, која е алтернативата на „Знам како се чувствуваш“?
Еве само неколку примери: „Звучи како ситуација што навистина те исцрпува“, или „ова што го кажуваш звучи како да е нешто кое ти паѓа многу тешко“. Овие примери покажуваат поправилен начин да одговорите на на она што го вели соговорникот. На овој начин кај него вие ќе создадете чувство дека е разбран, на крајот на краиштата – слушајте што вели оној кој побарал да сподели тага со вас и не заборавајте тоа да го направите внимателно.
Споделете со пријателите!
