dali-hidratantnite-kupki-im-pomagaat-na-decata-egzema_image
Споделете со пријателите!

Децата со егзема кои се капат во вода со дадени хидратантни производи, може да не чувтсвуваат олеснување од чешањето на кожата
Децата со егзема кои се капат во вода со дадени хидратантни производи, може да не чувтсвуваат олеснување од чешањето на кожата, отколку кога тоа би го направиле без додавање на овие средства, вели најновата студија на британските научници од Универзитетот во Саутемптон.

Тие следеле една година, 482 деца на возраст од една до 11 години со дијагностицирана егзема. За време на студијата, сите деца биле замолени да се придружуваат кон нивната вообичаена рутина, која вклучувала хидратантни креми и масти, како и кортикостероиди по потреба, а дел од нив биле замолени да користат еден од трите најпознати додатоци за капење. Немало мерливи разлики во сериозноста на симптомите на егзема, помеѓу двете групи испитаници, ни по чертири месеци од испитувањето, ниту по една година. – Ова е важно за семејствата кои имаат деца со егзема, бидејќи се поедноставува третманот, така што тие повеќе не мораат да користат смирувачки додатоци при капењето, иако би тебало да продолжат со користење на другите третмани на егземата, вклучувајќи ги тука и навлажнувачите, вели Д-р Мириам Сантер од Универзиетот во Саутемптон.

„Дали децата треба да користат смирувачки препарати за време на капењето?“

Смирувачките навлажнувачи, како хидратантните или локалните креми или масти, помагаат да се задржи влажноста на кожата и да ја смират иритацијата. Претходно имало некои сугестии дека додатоците за капење можат да остават некој масен слој на кожата на детето, кој го дава истиот ефект, но оваа студија покажала дека тоа не е функционално.

Егземата е честа во детството и често се третира со различни производи и хидратантни креми кои можат да ја омекнат и смират детската иритирана кожа. Во некои случаи,при зголемување на симптомите, можат да бидат дадени и кортикостероиди.

Докторите генерално се согласни дека децата треба да користат хидратантни креми или масти и дека не е препорачливо да користат сапун при капењето бидејќи тој ја иритира кожата. За разлика од ова, има помал консензус за тоа дали децата треба да користат смирувачки препарати за време на капењето.

Прочитајте:  пати е поголема слузницата на гастроинтестиналниот тракт, во споредба со површината на кожата

За време на студијата, докторите на избраната група деца, им препишале еден од трите најчесто користени додатоци за капење во Обединетото Кралство, да го користат за време на капењето. Тие смееле да користат и други додатоци за капење, освен оние кои содржеле антимокроби, кои можат да ја иритираат кожата. Преку 93 проценти од родителите на децата од оваа група, рекле дека постојано или периодично ги користат овие додатоци, додека пак во другата група на деца, над 92 насто од родителите изјавиле дека никогаш или некогаш употребиле додаток за капење.

„Студијата покажува дека додатоците за капење не помогаат при егзема, но истата не дава нови показатели за ефективноста на кремите pri спречување на егземата.“

На крајот од студијата, немало мерливи разлики помеѓу двете групи на деца во бројот на егзербации на егземата, влијанието на кавлитетот на живот или во типот или количината на кортикостероиди користени при сериозни влошувања. Единственото ограничување на оваа студија е што таа не е дизајнирана да ја мери ефективноста на различни видови навлажнувачки средства. Иако резултатите од студијата покажуваат дека додатоците за капење не помогаат при егзема, истите не даваат нови показатели за ефективноста на кремите и мастите за спречување на егземата или за употребата на емолиенти како замена за сапуните.

Важно е да се напомене дека студијата ја поттикнала употребата на заменски средства за сапунот и редовната употреба на емолиентите во текот на денот, како и анти-инфламаторната терапија препишана од доктор, со што може да се заклучи дека додатоците за капење немаат значителен ефект како додаток во стандардниот секојдневен третман. Додатоците за капење остануваат на кожата само краток период и затоа тие немаат голем ефект во третирањето на егземата, велат истражувачите.


Споделете со пријателите!