zastita-od-krlezi_image
Споделете со пријателите!

Избегнувањето на подрачја со крлежи се најдобра заштита од овие инсекти. Задолжително побарајте медицинска помош доколку забележите крлеж на вашата кожа
Со доаѓањето на пролетта, потребна е поголема заштита од надворешните услови, бидејќи сè повеќе време луѓето поминуваат надвор. Во таа заштита спаѓа и заштитата од крлежи и од убоди на другите инсекти. Започнувајќи од овој месец па сè до август, луѓето добиваат убоди од крлежи, но и болести кои се пренесувани од страна на крлежите. За споредба, во Соединетите Американски држави, секоја година има околу 30 илјади потврдени случаи на лајмска болест. Една неодамнешна национална американска анкета покажа дека околу 20% од луѓето во пределите каде што лајмската боелст е честа појава, воопшто не ни биле свесни за постоењето на ризикот. Дури и во пределите каде што болеста е честа појава, 42% од индивидуите потврдија дека не преземале никакви мерки за заштита од крлежи.

Други болести пренесувани од страна на крлежите се: пегава треска, анаплазмоза, ерлихиоза и бабезиоза. Овие болести обично се ендемски и концентрирани во одредени подрачја.

Болестите пренесувани од страна на крлежи може да предизвикаат благи симптоми, но во најтешките случаи може да предизвикаат сериозни инфекции кои нужно бараат хоспитализација. Најчестите симптоми од болестите пренесувани преку крлежите вклучуваат: покачена телесна температура или намалена телесна температура, треска, болки, исип на кожата, чешање и слично. 

Како да се заштитиме?

Раната дијагноза и лекување на инфективните болести пренесувани од крлежи го намалува ризикот од сериозни компликации. Доколку сте каснати од крлеж или имате некој од симптомите, пожелно е веднаш да се обратите на лекар. Намалувањето на изложеноста на крлежи е најдобрата заштита против лајмската болест и другите болести што ги пренесуваат овие инсекти. Особено внимание треба да обрнете доколку летото го минувате или одите на одмор во подрачја каде е познато дека има доста крлежи. Други препораки се:

  • Да се избегнуваат области со високи треви и лисја, а кога планинариме треба да се движиме по центарот на патеките, не во близина на дрвјата и гранките;
  • Колку е повеќе телото покриено со облека, толку е подобро и сте повеќе заштитени од директен контакт со крлежите;
  • Користете појака заштита против инсекти и крлежи за кожа која трае неколку часа. Не заборавајте да ја заштитувате кожата на своите деца. Секогаш следете го упатството на производот;
  • Користете производи кои содржат перметрин за да ја заштитите облеката и опремата, како чевлите, панталоните, чорапите, шаторите и во природа пожелно е да носите облека која претходно е заштитена со перметрин;
  • Домашните миленици можат да донесат крлежи во вашиот дом, но и да ви пренесат некоја од болестите од крлежите. Вршете им редовни прегледи дали имаат крлежи и нанесувајте им специјална ампула против крлежи и останати паразити или пак, некакво друго заштитно средство како каивче, капење со специјален шампон, прашоци, спрејови итн.;
  • Туширајте се веднаш штом ќе се вратите од надвор за побрзо да ги пронајдете потенцијалните крлежи пред да ве каснат и пред да започнат да навлегуваат под кожа;
  • Проверувајте го детално целото тело со помош на огледало или со помош од некого, а родителите треба детално да ги прегледуваат своите деца. Отстранете ги веднаш сите забележани крлежи.
Прочитајте:  Значење на ОРС при дехидратација на организмот

Како правилно да отстраните крлеж?

zastita-od-krlezi_image1Кога ќе забележите крлеж на себе или на вашето дете или милениче, треба да го отстраните веднаш со помош на дезинфицирана пинцета. Треба да го фатите крлежот со пинцетата што е можно поблиску до кожата и силно да потегнете. Не заборавајте дека за време на оваа постапка треба да имате чисти раце вие или лицето кое ќе ви го отстранува крлежот. За време на корнењето на крлежот со пинцетата немојте да го движите на страна, за да не остане некој дел од неговата уста под кожата, што може да биде опасно.

Не се препорачуваат народните методи на натопување на крлежот со масло за да се удави и самиот да се откачи, бидејќи кога имате крлеж вгнезден во кожата треба да го отстраните што е можно побрзо, а не да чекате.

Раната дезинфицирајте ја со алкохол, а исто така и пинцетата по употреба за на неа да не останат остатоци од крлежот. Отстранетиот крлеж не го пукајте со нокти и најдобро е доколку го фрлите во WC шолјата или пак, во канта но претходно го ставите во добро затворена кеса или го умртвите во алкохол. Доколку на лекар не сте се обратиле веднаш, а по некое време на кожата се појави осип, на вашиот лекар задолжително треба да му кажете дека сте биле каснати од крлеж или пак, истото да му го соопштите за време на најблиската средба со него.


Споделете со пријателите!