simptomi-shto-ne-treba-da-gi-ignorirate_image
Споделете со пријателите!

Неочекуваното слабеење, особено до 10 или 15 килограми, може да биде знак за скриен здравствен проблем.
Постојаното одложување на посетата на доктор во многу случаи може да има значително влијание врз здравјето. Иако поголемиот дел од луѓето знаат дека доколку се забележи силна болка во градите или ненадејна слабост или вртоглавица е потребно што поскоро да се посети доктор, многупати се случува некои симптоми да се игнорираат, дури и кога се повторуваат во текот на подолг период.

Многу е важно да се знае да се прави разлика помеѓу симптоми кои би можеле да бидат само нормален дел од стареењето наспроти знаци за здравствени состојби кои може да бидат многу посериозни.

Некои од симптомите и знаците коишто не треба да се занемарат се следниве:

Неочекувано губење на тежината

„Ненадејно и брзо намалување на телесната тежина, е сигурна препорака за посета на лекар.“

Ако забележите дека ненадејно и брзо ви се намалува телесната тежина, се препорачува што поскоро да отидете на лекар. Вообичаено со текот на годините, телесната тежина постепено може да се зголеми, оттука, доколку се забележи неочекувано слабеење, особено до 10 или 15 килограми тоа може да биде знак за скриен здравствен проблем. Некои посериозни состојби, како заболување на тироидната жлезда, целијачна болест и инфекции како хепатит Ц, дури и ракот често може да се манифестираат со губење на тежината.

Бемки на кожата кои ја менуваат формата и бојата

Доколку забележите дека некоја бемка на вашето тело ја менува својата боја, форма или големина не се двоумете да посетите дерматолог. Редовната посета на дерматолог за проверка на кожата е многу важна, бидејќи ракот на кожата е сè почест. Причината за ова може да е токму фактот што луѓето многу ретко посетуваат дерматолог и најчесто ги игнорираат малите промени на кожата коишто можат да бидат потенцијални канцерогени точки.

Прочитајте:  Состојба со грип во Република Македонија, сезона 2015/2016
Завршна информација

Прекумерно спиење

Доколку сè почесто ви се случува да спиете повеќе од 9 часа на ден, тоа може да биде знак на депресија, хронично воспаление, дури и мултиплекс склероза. Ако сте постојано уморни, спиете многу часови во текот на денот и имате прекумерна тежина, прекумерниот сон може да биде знак за состојба наречена нарколепсија.

Постојана кашлица

Ако забележите дека имате постојана кашлица којашто трае повеќе од 2 месеци, треба да го посетите вашиот доктор. Кашлањето коешто не престанува може да биде знак дека имате некој здравствен проблем, како астма и др.

Хронична болка

Веројатно сте се запрашале што се смета за „хронична болка“. Лекарите велат дека секојдневната болка на некој дел од телото која трае повеќе од 12 недели се смета за хронична. И хроничната болка е резултат на состојба којашто секогаш може да се утврди и, оттука, е важно да го посетите својот лекар доколку чувствувате постојана болка во некој дел од телото.

Абдоминална болка

Болката во стомакот може да биде резултат на вирус, менструација и сл. состојби коишто се минливи и вообичаено не претставуваат причина за грижа. Но болката во стомакот што се чувствува на одреден предел и тоа постојано во текот на повеќе денови треба да се испита. Постојаната и интензивна абдоминална болка не треба да се игнорира бидејќи може да биде резултат на посериозна здравствена состојба.


Споделете со пријателите!