Жената инфицирана со токсоплазмоза пред да забремени не претставува закана за нејзиното неродено дете. Само жени кои се заразени со паразитот за време на бременоста се изложени на на поголем ризик.
Што е токсоплазмоза?
Токсоплазмозата е предизвикана од едноклеточен паразит познат како Toxoplasma gondii. Оваа болест може да се пренесе на луѓе преку контакт со измет од мачка. Заразата е исто така можна преку контакт со контаминирана почва или сурово месо.
Здравите, имунокомпетентни возрасни лица инфицирани со токсоплазмоза обично страдаат од блага болест слична на грип или воопшто немаат симптоми. Меѓутоа, кога е заразена бремената мајка со токсоплазма, нејзиното неродено дете може да се зарази со паразитот преку плацентата. Опасностите за нероденото дете од токсоплазмоза вклучуваат вродени дефекти и фетална смрт.
Жената инфицирана со токсоплазмоза пред да забремени не претставува закана за нејзиното неродено дете. Само жени кои се заразени со паразитот за време на бременоста се изложени на на ризик.
Што може да се случи ако моето бебе има токсоплазмоза и како ќе се лекува?
При инфекција со токсоплазма последиците за вашето бебе може да се благи до тешки, а инфекцијата може да резултира со спонтан абортус, мртвородено или смрт непосредно по раѓањето.
Ако вашата амнионска течност покажува дека вашето бебе е заразено или наодот од ултразвукот покажува некаква структурна аномалија, веројатно ќе бидете упатени на специјалист и консултација за генетскиот ризик. Во зависност од гестациската старост на бебето, се дава опцијата да се прекине бременоста.
Ако решението е да се продолжи бременоста, се дава антибиотик некаде во вториот триместар за да се обидете да го намалите ризикот за појава на проблеми кај вашето бебе.
Вродената токсоплазмоза може да влијае на мозокот на бебето, предизвикувајќи проблеми како што се ментално или моторно задоцнување во развој, церебрална парализа и епилепсија. Токсоплазмозата Може да влијае и на други органи.
Мерки на претпазливост за бремените жени загрижени за токсоплазмоза:
Иако заразувањето може да настапи преку контакт со измет на мачката, поголем процент од луѓето се заразени на друг начин-преку контакт со контаминирана почва или преку јадење сурово, и недоволно термички обработено месо контаминирано со ооцисти на Toxoplasma.
Препораката е да се одржува соодветна хигиена на местото во кое ја чувате мачката. Измијте ги рацете по ракувањето со матичната кутија на вашата мачка и/или носете ракавици кога ја чистите кутијата.
Држењето на вашата мачка во затворен простор е добар начин да се спречи да таа стане инфицирана со токсоплазмоза. Исто така, треба да се избегнува хранење на мачката со сурово месо односно да не и се дозволува да лови.
Ако е можно, бремената жена не треба да ја менува кутијата во која мачката врши нужда и треба да избегнува контакт со измет од мачка. Идеално е друг член на домаќинството да го прави тоа.
Цистите на токсоплазмоза во кутијата стануваат заразни 48 часа после исфрлањето со измет.
Бремените жени треба да носат ракавици дури и кога се занимаваат со градинарството, бидејќи песокот може да содржи мачји измет. Било какви прехранбени производи од градината (овошје, зеленчук,) треба добро да се измијат пред јадење.
Некогаш гинеколозите ги советуваат бремените жени да се ослободат од сите мачки во домот, што лесно може да доведе до тага поради губење на саканиот придружник. Со соодветни мерки на претпазливост, ослободувањето од семејната мачка не е потребно. Некои едноставни заштитни мерки се потребни за да се заштитите себеси и вашето семејство од токсоплазмоза.
Исто така треба да се запамети дека семејната мачка не е единствениот начин на кој една бремена жена може да се изложи на токсоплазмоза. Шансата за добивање токсоплазмоза од вашето домашно милениче е прилично мала ако вашата мачка живее во затворен простор и не лови или јаде сурово месо. Всушност, поголема е веројатноста дека токсоплазмозата ќе ја изедете со неадекватно исчистениот зеленчук од вашата градина или недоволно обработеното месо отколку од вашето домашно милениче.
