Треба ли и овошјето да се јаде според пропишани дози?
Овошје. Бомба од хранливи материи како влакна, витамини и антиоксиданси, плус, слатко задоволство. А овој период сите обожаваат слатки и ладни задоволства, нели? Меѓутоа, ретко кој ја знае скриената страна од приказната – сте се запрашале ли колку овошје смеете да јадете во еден ден?
Не е многу познат фактот дека овошјата се полни со шеќер т.н фруктоза. Фруктозата е шеќер кој се складира во црниот дроб и се смета како причинител за срцевите болести и дебелина. Сахарозата пак, е комбинација од гликоза (која дава енергија) и фруктоза. Високото ниво на шеќер во крвта, предизвикано од премногу гликоза во крвта може да доведе до дијабетис.
Но и овошните шеќери, како фруктозата влијаат на оваа болест. Односно, колку повеќе јадете шеќер, толку повеќе складирате масти – кои се фактор за дијабетес тип 2. Затоа, добро е да се знае, колку овошје е премногу овошје? Според USDA, две чаши со овошје дневно се сосема доволно. Кога ќе се премине таа граница, ефектот на овошјето веќе не е ист.
Се препорачува овошјето да се јаде помеѓу појадокот и ручекот, и помеѓу ручекот и вечерата.
Исто така, важно е да се знае дека и природните сокови и енегретските пијалоци се полни со шеќери, кои исто така штетно влијаат врз здравјето. Нутриционистите препорачуваат овошјата да се јадат со лушпата, во која се содржат најголем дел од хранливите влакна.
Колку шеќер содржат овошјата?
Според USDA, овошја со најмалку шеќер во составот се: (за 100 г овошје) малини 4-5 г, капини 4-5 г, грејпфрут 6 г, диња 8 г, јагоди 4 г, авокадо 1г, лубеница 6 г, папаја 8 г, грозје 16 г, манго 14 г, цреши 13 г, праска 5 г, кајсија 7 г, слива 8 г, круша 8,5 г, ананас 8 г, јаболко 9г, мандарина 9 г, киви 9 г, банана 10 г, калинка 11г, смоква 14г.
Можни последници од прејаденост со овошје.
- Често чувствувате подуеност;
- Имате дијареа;
- На диета сте, но сепак не слабеете.
Крајниот заклучок не е да не се консумира овошје, туку да се внесува умерено и по можност во комбинација со јаткасти плодови и повеќе вода. Исто така, најдобро е овошјето да е свежо и сезонско, бидејќи при негова конзервација голем процент од витаминскиот дел се одзема.
