benefiti-od-plivanje_image
Споделете со пријателите!

Осумте златни бенефити на пливањето
Модерниот, брз начин на живот со себе носи мнoгу предности. Но, паралелно со тие предности доаѓаат и многу недостатоци, стрес, недостаток на концентрација, несоница, зголемена телесна тежина… Сето тоа се рефлектира врз нашето здравје. Најголем проблем со кој секојдневно се соочуваме, секако е дебелината. Денес, таа е се почеста и почеста и покрај тоа што сме свесни за несаканите индикации кои доаѓаат во прилог со неа. Дебелината всушност, претставува водечка спречлива причина за смрт во светот, со зголемувањето на преваленцијата кај возрасни и деца. Претставува еден од најсериозните јавни здравствени проблеми на 21-от век токму поради тоа што со неа се зголемува веројатноста за појава на разни болести, особено срцеви заболувања, дијабетес тип 2, тешкотии во дишењето за време на спиењето, некои видови на рак и остеоартрит.

„Генетиката не претставува пресуден фактор за тоа дали ќе бидеме дебели или не, таа има само 5 % улога од вкупниот процент на масно ткиво во нашиот организам“

Ние сите сме сведоци на денешната вистина дека процентот кој спаѓа на оваа категорија – гојазни луѓе високо котира и секојдневно завзема се поголеми размери. Категорија на највисок ризик секако дека се децата и тинејџерите. Гојазноста спаѓа во еден од главните проблеми во САД, а и ние сме на добар чекор следејќи го нивниот пример. Според едно европско истражување, тинејџерите од Малта се најдебели на Стариот континент, по што следат врсниците од Македонија. Но, сепак постојат многубројни начини за тоа нешто да се промени. Најактуелна промена се строгите диети, но тие само можат да доведат до намалување на телесната тежина за краток временски период, поради нивното штетно дејство т.н. ЈОЈО ефект, со кој за многу кратко време можеме да ги вратиме изгубените килограми дури и да ги зголемиме и оние што сме ги имале претходно. Зачудувачки факт е дека генетиката има само 5 % улога од вкупниот процент на масно ткиво во нашиот организам и тоа во кој дел од телото сме склони кон вишок, што значи дека не претставува пресуден фактор за тоа дали ќе бидеме дебели или не. За да се одржи постојаната телесна тежина секако дека се бара и одредена физичка активност и намален калориски дневен внес. Некои истражувања покажаа подобрувања на здравјето и значителни намалувања на болестите кај одредени популации само со губење на тежината и подобрување на секојдневните навики.

Претставен е еден едноставен но многу ефикасен третман за тоа. Надополнувајќи го со силна мотивација, може многу лесно да се дојде до посакуваната фигура. Базиран само на здрави компоненти, многу лесно се ослободувате од вишокот на масни наслаги, особено на оние критични места, околу половината и бутовите. На кој начин? Без разлика на вашето фитнес ниво, вкупните придобивки од пливањето се сепак ТВОИ! Пливањето поседува моќ да им даде на вашите мускули преуредување и потполно да го трансформира вашето тело. 

Прочитајте:  Макпрогрес ги претстави здравите својства на производите од брендот Natura на овогодинешниот Health, Fitness & Wellness Expo

#1 Тренинг на цело тело

Пливањето ги активира практично сите мускули во телото, без разлика дали сте се одлучиле да пливате градно или пеперутка, на крај сепак ќе резултира со целосна активација на вашето тело. Освен тоа, вежбите во вода прават телото да работи понапорно така што 30 минути во базен е исто што и 45 минути потрошени на истата активност на земја.

#2 Одлична за целокупната благосостојба  

Само 30 минути пливање три пати неделно, заедно со балансирана, здрава исхрана и здрав начин на живот претставува еден од најдобрите начини да се остане во потполна здрава и психичка состојба. Не се двоумете повеќе, направете го тоа и вклучете ги и пријателите, тоа ќе ви донесе и поголема можност за забава и дружење!

#3 Против стрес, за поголемо опуштање  

Без разлика што е работата што ви причинува анксиозност, дали децата кои знаат да бидат вистински кошмар или ве преокупира секојдневието на животот воопшто, сите ние сме се нашле во ситуација кога ни било веќе доста и посакуваме да вриснеме. Па, помошта е на дофат на рака. Редовното пливање може да го намали нивото на стрес, ја намалува анксиозноста и депресијата и го подобрува спиењето.
benefiti-od-plivanje_image1

#4 Согорувач на калории

Пливањето е еден од најефикасните начини за тоа како да согорете калории. Нежно пливање може да изгори 200 калории за само половина час, повеќе од двојно од пешачење.

#5 Го намалува ризикот од болести  

Воедно претставува одлична форма на кардиоваскуларни вежби, пливањето на само 30 минути неделно може да помогне да се заштитете од болести на срцето, мозочен удар и дијабетес тип 2.

#6 Го одржува телото фит

Водата поддржува и до 90 проценти од вкупната тежина на телото. Значи, ако сте го оптовариле глуждот во понеделникот вечер играјќи фудбал или имате долгорочна повреда или болест, пливањето е одличен начин да останете активни.

#7 Се зголемува нивото на енергија

Намалената активност и стареењето често се одговорни за недостатокот на енергија на луѓето. Само 30 минути на пливање три пати неделно може да го зголеми нивото на енергија преку зголемување на метаболизмот.

#8 Спортување без потење

Ако потењето ве одвлекува од другите форми на вежбање, не плашете се! Како пливач, никогаш нема да се почувствувате испотени, без разлика колку е тешко да го практикувате тоа. Бидејќи водата околу вас постојано ќе ве лади и ќе ве прави да се чувствувате пријатно во своја кожа.


Споделете со пријателите!