Карцином на дојка – рана превенција и самодијагноза [ВИДЕО]

Научете како да се заштитите од рак на дојка и како да направите самодијагноза

Овој месец, месецот на борба против ракот на дојка, Ве потсетуваме на основите информации кои треба да ги знаете за да се заштитите од ракот на дојка, едно од најчестите заболувања кај женската популација.

Лекарите и научниците постојано работат на разоткривање на оваа болест, нејзино лекување, причини и симптоми, револуционерни третмани и лечење, па така денес, за разлика од порано, може успешно да си излекува доколку се открие во рана фаза. Токму затоа, раната дијагноза е клучна за борбата со карцином на дојка.

Рана превенција

Бидете реални и свесни за Вашето тело. Бидејќи веќе знаете дека раната превенција е засега единственото решение за лечење, не наоѓајте изговори да не се прегледате. Доколку имате помалку од 40 години, потребно е да направите клинички преглед и ултразвук еднаш годишно. Доколку сте постари од 40 години, потребно е еднаш годишно да направите мамографија.

За рана превенција треба да ги знаете и ризик факторите. Важно да се напомене е дека секоја жена е во опасност и може да нема ниеден од овие фактори но сепак да заболи од рак на дојка. И во обратен случај, голем процент од оние кои ги имаат овие фактори не заболуваат од оваа болест. Сепак е корисно да се напоменат:

• Позитивна семејна анамнеза;
• Дебелина, особено над 60тата година од животот;
• Пушење;
• Секојдневно консумирање алкохол;
• Доцен почеток на менопауза;
• Рано добивање на прва менструација;
• Примање на хормонална трапија;
• Бременост над 35тата година од животот.

Самодијагноза

Овие прегледи треба да ги правите еднаш месечно. Важно е да се напомене дека прегледот треба да биде една недела по завршувањето на месечниот циклус, бидејќи тогаш дојките најмалку се осетливи и прегледот нема да биде болен.

Застанете пред огледало и гледајте ги своите гради. Обрнете внимание на нивната симетричност, на бојата на брадавиците, дали има отоци, мозолки или болка во брадавиците. Подигнете ја едната рака над главата и со другата рака извршете палпација. Палпација се прави со три прста и притисок на јагодиците на прстите, не на врвовите. Со кружни движења, започнете со палпација од ареолата на брадавицата кон горе. Опфатете ја цела дојка со кружно движење, а палпацијата завршува кога сте направиле цел круг не подигнувајќи ја раката од дојката. Со спуштање на раката, исто така со нежна палпалција, не заборавајте да ги проверите пазувите.