Дознајте кои фактори влијаат на гликемискиот индекс на храната
Доколку сте запознаени со општите правила коишто се однесуваат на гликемискиот индекс на храната, тие познавања може да ви помогнат да го подобрите здравјето и правилно да се храните. Постојат некои општи факти за видот на храна и нејзиниот гликемиски индекс.
Доколку поимот за ГИ е нова информација а сакате да ги искористите бенефитите од него, доволно е да направите избор на појадок кој ќе вклучува житарици, бидејќи сите житарици имаат низок ГИ (38), со исклучок на снегулките (ГИ 74) и експандирните житарици, кои имаат повисок ГИ. Секогаш имајте ја во предвид големината на порцијата. Преголема порција на храна со понизок ГИ има ист ефект врз нивото на шеќерот како храна со висок гликемиски индекс. Фактори кои можат да влијаат на гликемискиот индекс се текстурата, вискозитетот и зрелоста на храната.
На пример, незрела банана има ГИ 30, додека зрелата ГИ 51.
Мастите, протеините, фруктоза, лактоза, најчесто го намалуваат гликемискиот одговор на храната. Мастите и киселините го забавуваат процесот на варење на храната што резултира со понизок ефект врз шеќерот при консумација на храна со висок ГИ. Бел ориз, бел леб, компири се прехранбени продукти со висок гликемиски индекс и се идеален избор за спречување на замор и хипогликемија. Се препорачува кај спортистите особено после високо интензивен тренинг.
Храна со умерен ГИ како: пченка, банани, ананас, трици, ржан леб (ГИ 50-75) е добар избор за следниве активности:
- После вежбање на вежби со низок интензитет во краток временски интервал; наутро после вечерно вежбање или веднаш после активност со среден напор кај дијабетичари;
- Дијабетичарите треба да избегнуваат храна со висок гликемиски индекс, но истата е безбедна за нив после спортска активност или физички напор кој трае 2-3 часа;
- Хипогликемијата е една од состојбите која може да биде живото загрозувачка, а земањето на храна со висок гликемиски индекс е прва помош.
- Сите кои се занимаваат со спорт треба да земаат храна која има низок гликемиски индекс: зелен зеленчук, повеќето овошја, моркови, грав, наут, леќа, овесни трици или ржан леб, пред да почнат со физичка активност.
Редовната физичка активност, вистинскиот избор на храна и познавање на фактите за гликемиски индекс ќе ви овозможи балансирано ниво на шеќер на крвта кое е основа на доброто здравје.
