Дали луѓето можат да ги регенерираат екстремитетите? [ВИДЕО]

Некои животински видови можеби го содржат клучот за регенерација на екстремитетите кај луѓето

Гуштерите можат да ги регенерираат своите опашки. Животинските видови како насмеаната аксолота, тип на саламандер од Мексико, можат да ги регенерираат своите екстремитети. Доколку сме настанале по еволутивен пат, зошто тогаш и ние не сме ја задржале таа способност? Доколку ткивата во секој наш орган во телото се обновуваат постојано, зошто тогаш органите и екстремитетите не можат да пораснат одново?

Научната публикација е објавена онлајн во Plos One. Тие ги откриле генетските регулатори во три видови на животни, коишто ја имале можноста да се регенерираат: зебра-рипката (Zebrafish), рибата Bichir и Аксолоти, опашест водоземец. Додека порано се сметаше дека способноста за регенерирање е ограничена само на неколку видови, истражувачите сега веруваат дека тоа е резултат на природата која ја зачувала оваа способност преку еволуцијата.

„Регенерацијата на екстремитетите кај луѓето може да звучи како научна фантастика, но тоа е во рамките на можностите“ – истакна д-р Вут Пи Јин (Voot P. Yin), еден од истражувачите. Тимот не очекувал да најде големи разлики помеѓу трите видови, и за нив претставувало голем предизвик дека сите имале многу сличности.

Научниците, научната фантастика ја реализираат сега.

Механизмот одговорен за регенерацијата се нарекува бластема (blastema), исто така позната како „пупка на регенерацијата“. Оваа маса на клетки има способност да се развие во екстремитет, па дури и во орган, затоа што тие клетки ја поседуваат таа меморија. Ова е првата фаза на регенерацијата.

Истражувачите ја истражувале бластемата кај сите видови и откриле заеднички сет на гени коишто се контролирани од генетските регулатори познати како microRNAs. РНА или рибонуклеинската киселина, како ДНК-то е откриено кај сите живи суштества.

Ова истражување ќе им помогне на научниците да разберат зошто некои ткива во човечкиот организам се регенерираат потешко од други.

Она што е најважно за ова истражување е дека може да помогне во откривањето на начинот на кој може да се манипулира со брзината на регенерацијата, за ткивата во нашите тела да се регенерираат подобро. Иако ова истражување го открива патот на регенерацијата на рацете и нозете кај луѓето, ова од сегашноста е сè уште многу далеку. Д-р Јин рече дека напредокот на наодите најмногу зависи од финансиите, коишто бележат намалување во последно време.

ВИДЕО: