Цервикален скрининг и прегледи на простата
Тестовите на грлото на матката се начин за превенција на рак со детектирање на абнормалностите, кои доколку останат нелекувани можат да предизвикаат рак на цервиксот. „Тестовите на грлото на матката можат да превенираат појава на рак за 75% па затоа вреди да се прават“ – вели Д-р Сели Нортон – Sally Norton во една статија на порталот „Daily mail“. Ризикот од појава на овој вид на рак се зголемува со зголемувањето на бројот на сексуалните партнери, велат докторите, бидејќи тоа го зголемува ризикот од појава на HPV вирусот. Овој вирус предизвикува рак на грлото на матката, но и генитални брадавици. Ризикот се зголемува доколку пушите цигари. Ова испитување се препорачува да го прават жените над 21 годишна возраст. Скринингот и Пап-тесот се препорачуваат на секои 3 до 5 години. Мажите пак, од 40 до 75 годишна возраст пожелно е ректално да ја прегледуваат простатата на секои четири години. Ова е најдобар начин за да го намалат ризикот од појава на рак на простата и соодветно да започнат со лекување уште во раните стадиуми од болеста. Мажите во оваа возрасна група се најзагрозени од појава на рак на простата.
