Редовното туширање може да ви штети доколку не сте свесни за овие неколку чести грешки
Ако се туширате секој ден, не значи дека знаете како да се туширате. Еве кои се најчестите грешки коишто повеќето ги правиме, без да бидеме свесни дека здравата хигиенска навика може да се претвори во штетна за нашето тело и кожата.
Жешка вода
Многумина уживаат во топол туш, особено навечер, бидејќи ги опушта и ги подготвува за спиење. Премногу топлата вода ја суши кожата оставајќи ја без одбрана и го зголемува протокот на крв, што често доведува до црвенило, воспаленија, осипи.
Долго туширање
Исто како жешката вода, така и долгото туширање ја суши кожата, предизвикувајќи чешање и осипи. Оптимално време за туширање е десет минути.
Често користење на пенести гелови за тело
Колку повеќе пена се прави, толку повеќе активни супстанци има во гелот за туширање. Тоа значи дека пената го нарушува природниот заштитен слој на кожата, правејќи ја груба и сува. Исто така, ако антибактериските средства за капење не ви се специјално препишани, не треба да ги користите дневно.
Користење на стари и водени сунѓери
Водените сунѓери се идеално место за бактерии и мувла, па затоа треба да се менуваат секои 4 недели. Подобар избор се фротир ракавица или крпа. Исто така, важно е сунѓерот после употреба целосно да се исуши.
Енергично бришење
Не се тријте многу силно со крпата после туширање, туку нежно истапкајте ја кожата, оставајќи ја малку влажна. Потоа нанесете го вашиот омилен лосион за тело и имајте мека и нежна кожа во текот на целиот ден.
