stravot-od-bakterii-dali-postoi-realna-pricina-da-se-plasime_image
Споделете со пријателите!

Бактериите се наоѓаат насекаде околу нас, но дали навистина треба да преземаме необични мерки за да избегнеме контакт со нив?
Некои луѓе секојдневно се соочуваат со неразумен страв од бактериите околу нив. Токму тоа е причината за нивните невообичаени навики за да се заштитат од пренесување на болести. Средството за дезинфекција на рацете или пак користењето на хартија за да ја фатат рачката во јавен тоалет – сето ова е нивна секојдневна навика. Но, ваквиот страв од нешто што го има насекаде околу нас можеби е неразумен.

Користење на јавен тоалет

„Нормално е да постојат бактерии во јавен тоалет но користење на хартија за да не ги допирате предметите со гола рака е можеби претерано“

Доколку сте еден од тие луѓе кои после користење на јавен тоалет се плашат да ја фатат рачката на вратата или рачката за пуштање вода со гола рака од страв од бактерии, размислете уште еднаш дали сте во право. Нормално е да постојат бактерии во јавен тоалет и навистина би требало да се внимава. Но, користењето на хартија за да не ги фаќате предметите со гола рака е сепак можеби претерано. Личноста која го користела тоалетот пред вас веројатно допрела повеќе места, но се додека вие темелно ги миете рацете после користењето на тоалетот не би требало да се плашите од доаѓањето во контакт со бактерии.

Користење на средство за дезинфекција на раце

Некои од нас едноставно секаде со себе го носат средството за дезинфицирање на рацете. Но, овие средства не ги уништуваат сите видови на бактерии. Напротив, тие го имаат истиот ефект како да сте ги измиле рацете со сапун и вода (доколку ја содржат потребната количина на алкохол). Добро е да се знае дека некои бактерии и вируси се отпорни на ваквите средства за дезинфекција.

Прочитајте:  Алергија на убод од пчела: Што треба да знаете?

Задржување на здивот кога некој кашла или кива

Доколку се пронајдовте во оваа ситуација веројатно би требало да знаете дека кога некој кашла или кива во вашата блиска околина, голема е веројатноста дека нема да можете да ги спречите бактериите да дојдат во контакт со устата, носот или очите. При кивање или кашлање бактериите се исфрлаат во воздухот со голема брзина, па доколку сте блиску до личност што кива или кашла, задржувањето на здивот нема да е од голема помош. Но, можеби сепак ќе ви помогне да не ги вдишите бактериите кои се веднаш пред вашето лице.

 Избегнување на јавен превоз

Стравот од бактериите може да ве натера да го избегнувате јавниот превоз. Навистина, местата каде што секојдневно стапнуваат голем број  на луѓе можат да бидат преполни со бактерии, но факт е дека на секоја површина во светот постојат бактерии. Не постои нешто што е сосема чисто и дури може да се каже дека бактериите ни се потребни во нашето секојдневие. Изложувањето на одредени видови на секојдневни бактерии, како тие што ги има на нашата кожа, во цревата или на телото на домашните миленици и инсектите, всушност би можело да биде добро за нас.


Споделете со пријателите!