Луѓето ќе продолжат да имаат секс но тоа сè помалку ќе има репродуктивна цел
Во блиска иднина, луѓето сè помалку ќе имаат секс за размножување, туку само од забава. Прокреативниот секс, односно сексуални односи кои што имаат за цел да создадат потомство, нема да бидат потребни, бидејќи ќе бидат заменети со посигурен начин на размножување. За крајот на прокреативниот секс и за новите технологии кои што ќе го заменат, зборува Хенри Грили, директор на Центарот за право и бионаука на универзитетот „Стенфорд“ и автор на книгата „Крајот на сексот и иднината на човековата репродукција“.
Својата теорија тој ја заснова врз податокот чии фундаменти се состојат од два важни биомедицински напредоци: геномско секвенционирање и технологијата на матични клетки.
Процедура наречена ПГД (PGD) – поточно предимплантациската генетска дијагноза, процес на отстранување на ќелија на ембрион при ин-витро, со цел генетско тестирање пред истиот да биде вратен во матката, веќе се употребува во цел свет, вклучувајќи ја и Македонија. Медицинскиот експерт Грили, смета дека оваа метода и слични на неа, во блиска иднина ќе бидат со достапни цели за да може секој да си ги дозволи. Методот ПГД во моментов не е едноставна процедура, па затоа се подготвува нова процедура наречена „лесен ПГД метод“, кој ќе биде едноставен за изведба и многу поевтин од денес.
„За дваесет, можеби четириесет години, повеќето луѓе во развиените земји ќе престанат да имаат сексуални односи со цел да се размножуваат“ стои во заклучокот на неговиот труд.
Идејата за „бебе по желба“ не им се допаѓа на многумина и поттикнува бројни морални дилеми, но технологијата постојано доживува прогрес, нудејќи повеќе различни решенија за продолжување на човековиот вид. Грили истакнува дека бебињата нема да бидат направени „по мерка“, туку родителите ќе имаат можност да одберат кои од своите генетски карактеристики би сакале да ги имаат нивните потомци, нешто како најдобра верзија од себеси.
Со напредните технологии за репродукција, идните родители ќе имаат можност да одбираат и да отстранат некои наследни карактеристики, и ќе знаат колку здраво и паметно ќе биде нивното бебе. На овој начин, новите генерации ќе имаат поголема шанса да не заболат од тешка наследна болест и да избегнат други сериозни болести.
Во меѓувреме, луѓето ќе продолжат да имаат секс од забава.
