Научниците се обидуваат да ни го олеснат животот на сите, докажувајќи дека викендот од три дена е корисен за нашето здравје
Продолжениот викенд е добар за вас и вашето здравје, велат научниците. После ова, можеби и не ви се потребни дополнителни информации, но пред да одите да славите, прочитајте зошто. Бројни истражувања од областа на медицината, спиењето, когнитивната наука и психологијата, предлагаат дека пократката работна недела треба да биде правило, а не исклучок. Овој принцип на работа, веќе постои како иницијатива на одредени приватни компании. Исто така, оваа идеја е основа за повисок животен стандард.
Сè поголем број на истражувања, укажуваат на штетните здравствени последици од долгите работни часови. Големиот број на работни часови, може да води кон зголемен ризик од срцев удар, коронарни заболувања и развивање на дијабетес тип 2.
Силното влијание на конзумеризмот моќно укажува на користа од долгите работни часови кои што значат напредок и успешност. Но која е цената која што се плаќа измерена во квалитет на живот? Затоа, ќе се задржиме на позитивните аспекти од потребата од тридневен викенд:
Повеќе сон
Една анкета направена за потребите на списанието Sleep, вклучувала 10 000 вработени. Оние кои што работеле 40 и помалку од 40 работни часови неделно, напишале дека спијат повеќе часови од другите кои што работеле над 40 часа и полесно заспивале. Причината е едноставна – оние кои што работат долги часови немаат време да се релаксираат. „Релаксирањето е важен предуслов за превенција на несоница“, пишуваат во списанието.
Подобра комуникација со колегите
Зголемениот умор како последица од долгите работни часови води кон зголемен стрес. Луѓето со намалено ниво на енергија често погрешно ги толкуваат реакциите и емоциите на другите, исто така тие се склони кон расправии со нивните партнери.
Ќе бидете подобри во својата работа
Задоволен работник е секогаш подобар работник. Согласно идејата за тридневен викенд, истражувачи до Харвард, спроведоа неколку експеримент. Во еден од нив, истражувачите им наложија на вработе4ните во една консултантска компанија во Бостон да земат слободен ден на средина од работната недела. По пет месеци практикување на овој начин на работа, клиентите на компанијата истакнале подобрување на услугите на оној тим кој што учествувал во експериментот, за разлика од останатите кои што работеле без промени.
